Maria do Rosario Costa, Moris iha Suku Laisorulai de Baixo, Postu Quelicai, Munisípiu Baucau, iha loron 07 fulan-Marsu tinan 1974, ne’ebé brani hahú empresta ho valor osan $200 hodi hala’o negosiu kiik faan minarai iha nia uma oin.

Maria moris husi aman-inan, Susuleki no Ualiloi, nia moris husi maun-alin hamutuk na’in 5, kompostu husi feto na’in 3 no mane na’in 2.

Maria forma ona uma- kain no hetan ona oan na’in 7, kompostu husi feto na’in 5 no mane na’in 2.

Maria nia gosta liu mak kanta no halo negósiu, no nia remata ho eskola Nível Edukasaun,  Ensinu Sekundária.

Maria nia profisaun hanesan, emprezária no na'in ba kompañia loja Andi Makmur no Restaurante Bambu Kuning, halo eksportasaun nuu maran no kamii maran ba Indonézia no mós simu importasaun sasan uma-laran no sasan dapur husi Indonézia.

Esperiénsia serbisu ne’ebé durante Maria hetan mak hanesan, iha tinan  2003, Maria hahú faan minarai ho de’it kapitál negósiu $200 liu husi impresta.

Iha tinan 2004 to’o 2009 loke restaurante Bambu Kuning. Rezultadu husi negósiu ne’e hodi sustenta nesesidade uma-laran, ho nune’e mós sosa foos hodi ba faan iha fatin seluk.

Ho rendimentu ne’ebé nia hetan liu husi negósiu ne’e ikus mai sosa kareta no loke loja bo’ot ida ho naran Andy Makmur.

No agora dadauk, Maria involve aan iha estrutura Asosiasaun Feto Potensiál munisípiu Baucau nuudar vise Asosiasaun Feto Haburas Baucau ba Dezenvolvimentu (AFEHABAD) ba postu Baucau -Vila.

Aléinde ne’e mos Maria mós halo atividade umanitária seluk hanesan vizita no suporta Orfanatu sira no apoiu ema kbiit la’ek nia oan ne’ebé la kontinua eskola hodi kontinua fila fali sira nia estudu.

Formasaun ne’ebé Maria hetan ona mak hanesan, kursu tein ne’ebé oferese husi Ministériu Saúde no formasaun kona-ba negósiu ne’ebé oferese husi Center for Investigative Journalism (CIJ) no Instituto Apoiu Dezenvolvimentu Emprezaria ( IADE ).

Susesu ne’ebe Maria hetan ona mak, bele sai hanesan emprezária feto susesu ho kompañia ne’ebé nia harií rasik, Iha ona loja bo’ot no restaurante,  Iha  transporte rasik hanesan Bus 3, Truk 5 no tangki  Beé .

Maria durante ne’e hala'o atividade negósiu, sempre  hetan suporta no apooiu  másimu husi nia laen kaben.

Maria mós hasoru no infrenta obstákulu barak iha nia vida emprezaria ne’e, hanesan, bainhira kuandu ba faan sasan to’o iha área remota sira, nia sempre abandona hela família no oan sirano mós iha sasan balun ne’ebé prazu ona sira tenki so’e ka estraga..

Feto emprrjariu ne’e mós hato’o hela lia menon balun ba maluk empreza sira hotu atu

bele mós tau-matan ba ema oan kiak sira no vítima violénsia doméstika.

Maria mós husu ba oan kiak sira ne’ebé nia tau-matan atu fahe mós sira-nia esperiénsia ba maluk sira seluk.