"Timor-Leste impresionadu tanba Governu Japones haruka sira nia Ministru Estadu mai, komu ita boot sira hatene hotu katak Governu agora ne'e so bele sai lejitimu depois de nomeia programa, tanba ne'e mak ami ko'alia pur altu de'it," dehan PM

Xanana, iha Palásiu Governu, horisehik.

 Xefe Governu mos akresenta, temi apoiu Japaun ne'ebé Governu sira fó husi uluk to'o agora iha kedas UNTAET nia tempu to'o agora.

"Ha'u mós la haluha uluk parlamentáres kaponezes agora katuas mate hotu ona ne'ebé uluk apoiu ita durante funu no ko'alia buat barak," nia dehan.

Nia afirma, ko'alia kooperasaun ne'ebé sira halo no sei hatutan área foun ne'ebé depois de aprova aprova tiha programa maka sira husu programa ne'e sé bele karik fó ba embaixador para sira mós hatene.

"Planu doasaun anuual ba 2024 mós, bele haree iha ne'ebé mak sira bele koopera,

ajuda sira sei haree, ne'ebé ohin agora kedas ha'u labele temi ida iha ne'e, iha ne’ebá, ami ko'alia ba malu," nia dehan.

Xefe Governu mós hatete, hanesan nia dehan konverse ida ne'ebé ho laran katak Sinseru saida de'it maka relasaun internasionáil komu relasaun entre pais rua ne'e.

"Ami ko'alia ho frankeza ne'ebé di'ak tebetebes no sentidu ne'e Primeiru Ministru Jepaun haruka kedas nia delegasaun mai para hasoru. Komu ohin mós ha'u esplika ba nia hatene ona, depois de Governu aprova tiha programa maka foin bele ko'alia asuntu sira ne'e ho ministeriu ida-idak ne'ebé sei kontaktu sira. Ne'ebé ha'u labele dehan bu'at barak maibé agora ami sei iha hela programa nian," tenik nia.

Iha fatin hanesan, Ministru Estadu Negósiu Estranjeiru Japaun, Takei Shunsuke hatete, previleziu boot vizita kortejia no troka ideia frankamente ho Primeiru Ministru Xanana no mós fó kongratulasaun ba Primeiru Ministru ne'ebé eleitu hodi lidera Governu.

Objetivu husi vizita ne'e atu hametin liu tan relasaun bilateral entre TL ho Japaun no atu esplora ba oin hodi hasa'e liu tan kooperasaun bilateral iha area hirak hanesan defeza no seguranca, dezenvolvimentu no ekonomia, dezenvolvimentu rekursu humanu, programa treinamentu estajiariu tekniku, no mós kooperusaun seluk iha área rejional no multilateral.

"Ami vizita Timor-Leste louva mós formasaun governu, ami aprezenta forte

komprometidu apoiu ba Timor-Leste, tanba Japaun ho Timor-Leste Parseiru ne'ebé importante kolabora no serbisu hamutuk," nia dehan.

Maibé ohin hanesan fó opiniaun ba malu frankamente, no agradese ba oportunidade ho ekipa bele mai oinsá ba oin bele haree hamutuk saida mak atu bele apoiu.

"Ami deskute mós Kooperasaun Entre Japaun ho Timor-Leste, no mós ko'alia kona-ba Japaun nia apoiu ba Adezaun Timor-Leste ba Asean," tenik nia.

Durante vizita ne'e, Ministru Estadu TAKEI Shunsuke sei hasoru malu uluk ho nian homologu Ministru Negosius Estranjeirus no Kooperasaun Timor-Leste, Bendito dos Santos Freitas Prezidente RDTL José

Ramos-Horta, Prezidente Parlamentu Nasional, Maria Fernanda Lay, Primeiru-Ministru RDTL Kay Rala Xanana Gusmão no ikus liu. Ministru Presidensia Konsellu Ministrus, Hermenegildo Ajio Pereira.

Tuir planu, Ministru Estadu TAKEI Shunsuke sei dealoka hikas husi Timor-Leste iha loron 7 Jullu 2023.