Xefe Estadu Maiór Jenerál F-FDTL,  Tenente Jenerál Falur Rate Laek hateten, enkontru Konsellu Superior Militar iha loron 28 Juñu 2023, deside ho votu unanimidade hili Koronél José da Costa Soares "Trix".

Nia dehan, proposta nomeasaun ba Xefe Estadu Maiór F-FDTL foun ne’e, Komandu F-FDTL entrga ona ba atuál Ministru Defeza Donanciano do Rosario Gomes "Pedro Klamar Fuik", atu lori ba Kosellu Minstru depois ida ne’e tuir lei Governu sei

aprezenta ba Prezidente Repúblika mak iha kompetensia atu nomeia.

“Agora ita aprezenta ona proposta Xefe Estadu Maiór Jenerál F-FDTL foun, mak Koronél José da Costa Soares "Trix" ne'ebé sei interinu hela, tanba ne'e ha’u haruka ona ba Ministru Defeza atuál atu aprezenta ba Governu bele aprova iha Konsellu Ministru  hodi aprezenta ba Prezidente Repúblika atu halo nomeasaun," dehan Jenerál Falur, iha Kuartel Jeral F-FDTL, Fatuhada, horisehik.

Tanba ne'e, Xefe Estadu Maiór Jenerál F-FDTL interinu Koronél Trix sei halo promosaun ba nia hanesan Xefe Estadu Maiór Jenerál, tanba ne'e proposta aprezenta ona ba Prezidente Repúblika hodi halo promosaun.

Nia informa, Koronél José da Costa Soares "Trix" ema ne’ebé iha kapasidade  di’ak no iha kresimentu forsa nian iha fé atu kontinua dezemvolve forsa armada.

“Koronél José da Costa Soares "Trix" nia mós uluk hola parte iha Estadu Maiór nia hatene situsaun hotu nia ema abilitadu, ema matenek, intelejente no intelektuál, Ohin loron konjuntura aktuál nasionál ne’e ita bele dehan tranferensia ne'e tenki ema ne’ebé kaer atu dezemvolve rai ida ne’e, ema hotu iha kapasidade akedemiku profisionál, ema intelektuálpara bele dezemvolve instituisaun ne’e,” informa nia.

Nia hatutan, Koronél Trix nu'udar mos  veternu, gerilleiru uluk hanesan Kolaboradór Estadu Maiór Falintil iha ai-laran no veterenu ida ne’ebé esperensia tanba frekuenta formasaun barak no

Koronél mais antigu liu iha instituisaun F-FDTL.

“Tanba ne’e mak Konsellu Superior Militár vota ho unanimidade hodi nomeia no halo promosaun ba nia hodi asumi pasta ida ne’e to’o nia reforma dentru tinan rua, tanba ne'e proposta nomeiasaun agora ba ona hein Prezidente Repúblika halo nomeiasaun ba nia hanesan Xefe Estadu Maiór F-FDTL,” afrima nia.

Tanba ne'e, Xefe Estadu Maiór Jenerál F-FDTL Tenente Jenerál  nia parte bolu ona  Koronél José da Costa Soares "Trix" hodi asumi kargu hanesan Xefe  Estadu Maiór  F-FDTL interinu.

“Ha’u bolu ona nia mai  iha ne’e atu asumi kargu Xefe Estadu Maiór Jenerál F-FDTL interinu hodi hein  Prezidente Repúblika

halo nomeiasaun ofisiál,” Dehan nia.

Nia afrima Komandu F-FDTL sei la duvida ho kapasidade Koronél José da Costa Soares "Trix", tanba ne'e konsellu superior depozita konfiansa tomak ba nia mós atu parte iha ejistensia no dezemvolvimentu F-FDTL iha tinan 20 resin nia laran.

Alende ne'e xefi Estadu Maiór Jenerál F-FDTL Tenente Jenerál Domingos Raul Falur Rate Laek mós Nomea ofisiál Superiór F-FDTL nain rua hodi asume kargu  komponte Terrestres interinu no komandante Unidade Espesial FALINTIL.

Tanba ne'e, komandu F-FDTL nomeia  Koronél Domingos da Costa Soares"Dobu" asume kargu ba Komandante Komponente Terestre Interinu hodi Troka nia  Komandante Komponente Terestres

interinu troka Koronél José da Costa Soares "Trix" no Tenente Koronél Abel da Costa Xavier "Niki" atual Komandante Unidade Polísia Militár asumi fali kargu Komandante Unidade FALINTIL Interinu.

Entretantu tuir lei n.º 3/2010, de 21 abril, iha lei Defesa Nasionál artigu 14 alineia F Prezidente Repúblika mak sei nomeia no ezonera Xefe Estadu Maiór Jenerál Forsa Armada (CEMGFA).

Iha artigu 17 alineia D husi lei ne’e afirma , proposta nomeiasaun ba Xefe Estadu  Maiór Jenerál Forsa Armada Vise Xefe Estadu Maiór Jenerál no Xefe Estadu Maiór inklui Komandante Komponente sira sei aprezenta husi responsavél membru Governu ne’ebé asume pasta iha Ministru Defeza hodi Propoin ba Governu atu halo aprovasaun iha Konsellu Ministru.