Konstituisaun hateten klaramente katak, mandatu ba deputadu lejizlatura ida nian ba tinan lima, la’ós mandatu tuan nian ba tinan lima-resin no mandatu foun la to’o tinan lima.

Nia dehan, Parlamentu Nasionál la’ós de’it viola Konstituisaun, maibé mós Rejimentu Parlamentu Nasionál nian katak, hafoin loron 15 Tribunál Rekursu proklama rezultadu ofisial deputadu sira tenke simu ona pose.

Ne’e duni, tuir loloos Parlamentu Nasionál la foti desizaun hodi adia prosesu tomada de pose ba Deputadu IV Lejizlatura nian.

“Parlamentu Nasionál la devia halo desizaun hanesan ne’e,” tenik nia.

Nia dehan, órgaun soberania sira ne’e tenke trata tuir lei.

Nune’e, nia esplika, tenke forma uluk Parlamentu Nasionál mak foin forma governu, tanba ne’e tuir konstituisaun.