Planu estratéjiku ho objetivu atu asegura protesaun sosiál, seguransa no moris di’ak sidadaun sira hotu nian.

“Iha tinan lima (5) oin mai, MSSI hakarak promove asaun sosiál no asisténsia sosiál ba sidadaun hotu,”dehan iha Minístru Prezidénsia Konsellu Minístru Fidelis Leíte Magalhãens.

Ho nune’e, bele garante seguransa sosiál ba sidadaun hotu, promove reinsersaun sosiál atu garante inkluzaun sosiál, hodi redús dezigualdade jéneru, reforsa papél feto, promove direitu labarik no ema sira ho defisiénsia no mós reforsa kapasidade institusionál hodi atinje objetivu sira.

MSSI mós estabelese ona Institutu Nasiónal Seguransa Sosiál (INSS) iha fulan outubru tinan 2017, ho ninia kompozisaun,  inklui knar no  kompetensià INSS nian bazeia ba lei rejime kontritivu seguransa sosial, ne'ebé governu hasai dekretu lei nu. 47/2017.

Entretantu, Rejime ne’e funsiona ho kontribuisaun trabalhador no entidades empregadores sira tantu husi seitór privadu no seitór públiku, ho nune’e bele kontribui osan ba karteira komum.

Tanba ne’e, Bazeia ba Dekretu Lei No. 12 /2016, 14 de Novembru, kontribuisaun seguransa sosiál hamutuk pursentu 100 (100%) husi total benifisiariu ba kada fulan, kompostu trabalhador sei kontribui 4%, no entidadades empregadores sei kontribui 6%. Ba seguransa sosial.

Osan ida ne’e sei uza hodi selu ba subsidius atuál jerasaun trabalhadores sira nian bainhira hasoru situasaun iha risku nia laran no mós selu pensaun ba nia jerasaun dahuluk sira ne’ebé reforma.

Nune’e, sei iha fundu rezerva ida hodi jere osan restu ne’ebé iha. Atu garantia sustentabilidade bainhira fundu rezerva ne’e komesa menus mak sei hasa’e taxa selu kontribuitiva nian iha futuru.

Asistente Editor: Saturnina da Costa