Ministra Saúde (MS) Odete Freitas Belo hatete, pasiente sidadaun Indonezia ne’ebé ekipa Minstériu Saúde identifika pozitivu ba moras Covid-19 la hatudu sintomas.
"Dadaun ne’e nia di’ak hela no laiha sintomas ruma,tanba ne’e hein tan segundu teste hodi haree (rejultadu),"dehan Ministra Saúde Odete, iha Palasiu Governu, Dili, Segunda,(10/08)
Odete dehan, Minstériu Saúde iha ona makina atu halo teste ba pasiente ne’ebé deskonfia afeita ba moras covid-19.
"Hanesan primeiru ita hotu hatene ita laiha kapasidade no tenki lori ba Darwin, mas agora dadauk iha nia makina iha no sei halo teste iha ne’e,"dehan nia.
Tuir dadus Ministériu Saúde (MS) nian to’o iha loron 09 fulan-Agustus ne’e, ema ne’ebé halo konfinamentu obrigatóriu iha fasilidade sira ne’ebé governu prepara ne’e hamutuk 501 kompostu husi Dili 456 nomós iha RAEOA hamutuk 36.
Ema ne’ebé halo autokuarentena hamutuk 148 kompostu husi Dili hamutuk 143,Bobonaro 1, Ermera 2 nomós Oekusse 2.
Halo teste laboratóriu hamutuk 4.478 kompostu husi rezultadu negative hamutuk 4.347 nomós ema ne’ebé sei hein rezultadu hamutuk 106. Númeru kazu baixa nafatin na’in 1.
Passa ona loron 14 hamutuk 2.947.
