Husi kazu dengue 2.374 ne’e maioria rejista iha Kapitál Dili ne’ebé hamutuk hotu 1.488, tuir Manatutu ho kazu 142,  Baukau ho kazu 105, Manufahi ho kazu 96, Ermera ho kazu 90, Kovalima 87, Líkisa kazu 82, Aileu kazu 69, Lautem kazu 95, Vikeke kazu 53, Bobonaro kazu 32, Ainaru kazu 32, inklui RAEOA kazu 3.

“Husi dadus ne’e hatudu, kazu dengue espalla ona iha teritoriu tomak, no kazu mate espalla ona iha munisipiu 9, ne’ebé kazu hamutuk 31,” MS fó sai liuhusi Komunikandu ne’ebé Online INDEPENDENTE, asesu, kuarta nee (23 /02).

Enkuantu, munispiu 9 ne’ebé rejista ona kazu mate mak hanesan, Dili hamutuk hotu kazu 16 ne’ebé barak liu, tuir Ermera ho kazu 4, Kovalima kazu 3, Aileu kazu 2, Ainaru kazu 2, Baukau kazu 1, Manatutu kazu 1, Manufahi 1, no Viekeke 1.

Aleinde ne’e, iha kapitál Dili postu Administrativu Dom Aleixo rejista dengue aas liu ne’ebé mai ho númeru 808, hafoin postu administrativu Kristu Rei  ho kazu 317, tuir postu Administrativu Na’in Feto ho kazu 169 no Vera-Cruz 154.

“Husi kazu ne’e hatudu, kada loron dengue kontinua sa’e makaas iha Dili laran, nune’e loron ba  loron kazu sei espalla nafatin ba iha postu sira seluk,” haktuir komunikadu refere.

Ho ida ne’e, Ministériu Saúde kontinua informa ba públiku, atu aprezenta an iha fasilidade saúde sira ne’ebé besik bainhria sente isin manas ka laran sa’e, liman ain sikun moras, atu bele hetan atendimentu husi médiku sira.