Nomeiasaun Don Virgilio nu’udar kardeal sai ksolok boot id aba igreja Katolika Timor-Leste.
Relasiona ho nomeiasaun ne’e, Parlamentu Nasional (PN) liu husi plenaria aprova votus kongratulasaun ba Arsebispu Arkidiozese Matropolitania Dili, Don Virgilio do Carmo da Silva ho votus a favor 51.
Vise Prezidente Bankada Fretilin, Antoninho Bianco, agradese ba Maromak tanba Maromak nia espiritu hodi hili Don Virgilio sai Kardeal.
"Tanba ne'e ita agradese de'it ba Maromak katak sai bibi-atan di'ak nafatin ba Timor-oan sira," dehan nia.
Prezidente Bankada Partidu Demokratiku (PD), Antonio da Conceicao hatete, povu maioria Katoliku orgullu, loron horseik nian ne'e, loron istoriku duni ba Timor-Leste nia istoria.
"Kuandu ita fó votus a favor ba dokumentus ida ne'ebe mak Parlamentu Nasional sensivel tebes duni atu onra ba ita-nia espiritu Katoliku nian iha Timor, fraternidade umana nian ne'ebé husi Amu Papa ninia prezente di'ak mak ida ne'e fó duni Kardeal ida ba Timor, primeiraves iha Timor ne'ebé PD mós hanoin presiza duni felisita igreja Katolika Timor no felisita mos Don Virgilio do Carmo ba elevasaun ba Kardeal nian.”
Prezidente Bankada CNRT, Duarte Nunes hatete, Timor-oan sente kontente tanba hetan Timor-oan ida ne'ebé iha kapasidade atu hetan nomeasaun Kardeal dahuluk iha Timor-Leste.
"Bankada CNRT hamutuk ho militantes partidu CNRT hato'o kongratulasaun ba Dom Virgilio ne'ebé hetan fiar husi Vatikanu atu sai Kardeal iha Timor-Leste," dehan nia.
Entretantu, iha 29 Maiu 2022, Amu Papa ofisialmente nomeia no fó sai naran Kardeal ba Santa Kreda na’in 21, inklui Don Virgilio.
