Ho ida ne’e, ohin asina nota entendimentu ho grupu benefisiáriu munisipiu 12 kona-bá apoiu fundu bá grupu benefissiariu sira iha tinan 2022.
Sekretária Estadu bá Igualdade no Inkluzaun (SEII) Maria do Rosário Fátima Correia hateten, Iha tinan 2019 SEII entrega ona fundu transferénsia públika, ne’ebé mak uza mekanizmu rotativu hodi fó apoiu bá grupu benefissiariu feto sira iha area rurál, nune’e hasa’e ekonomia feto nian liu husi aktividade negósiu nian.
“Asina akordu ne’e ho objetivu tolu hanesan hakbi’it feto iha area ekonomia ho ida ne’e orsamentu mai husi orsamentu jerál ne’ebé mak governu nian mai husi orsamentu subvensaun públiku, maibé nia nakfila bá iha kategoria rotativa,” nia hateten iha salaun SEII Kaikoli, Kinta (26/05).
Iha fatin hanesan, Diretór Jeral SEII Armando da Costa infórma tinan ne’e SEII iha orsamentu hamutuk $300.000 ne’ebé mak sei fó bá suku hamutuk 104 ho nia grupu hamutuk 125.
Ho ida ne’e orsamentu ne’ebé mak atu responde bá grupu hirak ne’e hamutuk $2.058.
“Iha tinan ida ne’e ita halo ona prossesu ida depois anunsiu bá iha aplikasaun proposta sira bazeia bá suku prioridade ne’ebé mak ita identifika ona, depois iha prossesu ida ne’e ita halo seleksaun bá aplikasaun sira hotu, atu nune’e bele deside hodi fó apoiu fundu bá tinan ida ne’e,” nia hateten.
Aleinde, Orsamentu ida ne’e SEII identifika ona suku benefissiariu ne’ebé prioridade, maibé la’os bá suku hotu, ho ida ne’e iha suku balun mak sira seidauk tau prioridade bá iha tinan ida ne’e.
SEII sei konsidera fila-fali grupu sira ne’ebé mak aplika tiha ona iha tinan kotuk, maibé la konsege realiza, tanbá ne’e iha tinan ida ne’e sei hare’e fila fali sira nia proposta hodi konsidera fila fali grupu 30 ne’ebé mai husi 9.
Iha tinan kotuk SEII mós iha mekanismu ida kona-bá pagamentu halo 40% husi 60%, ho ida ne’e sira selu ona $40% maibé 60 la konsege tanbá tama ona fim do anu.
Entaun, 60% SEII halo fila fali transferensia bá iha tinan ida ne’e, entaun iha 60% nian sira iha grupu hamutuk 30 husi tinan 2021 nian, tanbá ne’e asina akordu prossesu administrasaun sei la’o tuir nia rekezitu sira ne’ebé mak iha, hodi halo transferensia bá iha grupu benefissiariu sira, hodi bele kontinua fila fali SEII nia apoiu bá iha grupu sira.
