Nune’e, sei kontinua halo pagamentu ba Munisipiu, Postu Administrativu sira ne’ebé seidauk, no sei to’o mós ba Suku no Aldeia ne’ebé benifisiariu sira labele lao tanba moras.
Enkuantu, pagamentu ba idozus no invalide sira hahú ona iha loron 23 fulan-Juñu tinan ne’e.
“Tuir dadus idozus no invalides iha Munisipiu 12 inklui Rejiaun Administrativu Espesial Oekuse Ambeno (RAEOA), ne’ebé simu ona sira nia direitu, atinji ona pursentu 65,”dehan nia ba Online INDEPENDENTE foin lalais (27/07).
Nia esplika, pagamentu ba idozus no invalides iha Mununispiu Aileu atinji ona pursentu 63 (63%), Ainaro atinji ona pursentu 67 (67%), Manatutu pursentu 81 (81%), Vikeke pursetu 62 (62%), Ermera pursentu 66 (66%), Dili pursentu 64 (64%), Bobonaro pursentu 61 (61%) no Baucau pursentu 65 (65%).
Ho nune’e, total dadus benifisiariu idozus no invalides iha teritoriu laran tomak ne’ebé hetan subsidiu hamutuk 94.717 ho orsamentu hamutuk dolar amerikanu tokon U$17.
Entretantu, tuir kalendariu husi Banku Nasional Komersiu Timor-Leste (BNCTL-Sigla Portugúes), pagamentu sei termina iha fulan-Setembru tinan 2021.
Asistente Editor: Saturnina da Costa
