Tuir Xefe Suku Dukurai, Postu Administrativu Letefoho, Munisipiu Ermera, Rafael Soares Maia, hatete, total benifisiariu iha suku refere hamutuk 150 kompostu husi idozus na’in 148 no EhD na’in rua.

Nia dehan, pagamentu ba idozus ho defisiensia iha Suku Dokurai hahú ona iha loron 03 fulan-Outubro ne'ebé dadaun ne'e remata ona.

“Pagmentu subsidiu ba idozus ho defisiensia sira iha ami nia suku remata ona, hela deit ba benifisiariu sira ne'ebé mak dukumentus hatama ikus, tan sira hein fali ba Dezembru mak simu sira nia direitu,” dehan nia, ba Jornalista INDEPENDENTE via telephone, tersa (17/10).

Xefe Suku afirma, tuir dekretu lei nu.53/2022 afirma pensaun sosial ba ferik ho katuas no defisiensia sei hetan pagamentu montante dolar amerikanu $57 kada fulan.

Tan ne’e pagamentu iha faze dahuluk tinan 2023 ba kada benifisiáriu sei hetan sira nia direitu ho montante dolar amerikanu $342.

Iha sorin seluk, Xefe Suku Vila-Verdi Abdul Mancoli Aranhado afirma, iha Suku Vila-Verdi pagamentu ba idozu no defisiensia remata ona iha fulan kotuk.

Nia dehan, total benifisiariu iha suku refere hamutuk 499 kompostu husi idozus 479 no EhD 25.

 “Iha ne’e, iha benifisiariu nain sanolu (10) naran la iha, maibé ikus sira ba hare fila-fali iha Institutu Nasional Seguransa Sosial naran iha, entaun sira ba simu direita iha Banku Nasional Komersiu Timor-Leste (BNCTL),” hakotu Xefe Suku Vila-Verde.