“Ha’u foin hasoru malu ho Primeiru Ministru no onra boot ida mai ha’u atu kuiñese nia no rona nia tranzitoria ne’ebé dezempu funsaun barak tebes, nuudar lideransa iha rai joven ida ne’e, nia (PM Xanana) esplika mai ha’u, nia vizaun no planu sira no dezafiu barak rai ida ne’e hasoru,”dehan nia iha Palasiu Governu, (17/10).
“Ha’u mós hetan inspirasaun boot no enkoraja tebes atu rona prespektiva husi Governu foun atu investe iha dezenvolvimentu ekonomia liliu infraetrutura. No kontente tebes hasoru malu ho Primeiru Ministru Xanana,”tenik nia.
Embaixadóra ne’e hatutan, Noruegia seidauk iha programa dezenvolvimentu espesifiku ruma iha Timor-Leste, maibé Noruegia involve makaas ona iha tinan hirak liu ba hodi ajuda estabelese fundus petrolífero.
Maibé agora ami iha programa espesifiku rua hanesan servisu kona ba direitu feto no mós vitima violensia seksual.
Entretantu, Embaixadora Real Noruegia, Rut Kruger agradese iha primeiru vizita mai Timor-Leste hasoru Xefe Governu hodi deskute asuntu importante ne’ebé rai rua sei fó apoia ba malu hodi kontribui ba dezenvolvimentu Timor-Leste.
Enkuantu, Noruega prontu nafatin atu halo kooperasaun di’ak ho Timor-Leste, maske agora daudaun sira nia embaixada sei loke de’it iha Jakarta-Indonézia. Maibé iha futuru hanoin ona atu harii embaixada permanente iha Timor-Leste.
