“Relatóriu ne’e hatudu katak totál reseita mak simu iha trimestre ne’e hamutuk tokon USD $156,82 ne'ebé kompostu husi kontribuisaun kontribuinte sira iha fundu hamutuk tokon USD $70,09 no pagamentu royalty simu husi Autoridade Nasionál Petróleu no Minerais (ANPM) tokon USD $86,72” dehan Vise Governadór BCTL, Venâncio Alves Maria, iha knaar fatin, Akait, horisehik.

Nia esplika, rendimentu husi investimentu fundu nian ne’e hamutuk tokon USD $530,32 kompostu husi kupaun no jurus ne'ebé simu mak tokon USD $96,99. Mudansa iha valór merkadu nian tokon USD $439,32 no movimentu kambiais lakon mak tokon USD $1,13 iha trimestre ne’e.

Rendimentu ba rezultadu rendimentu ba karteira fundu nian durante trimestre ne’e 3,05% enkuantu rendimentu sasukat (benchmark) ba períodu ne’e mak 3,07%. Nia dehan, lei fundu mina-rai espesifika katak jestór operasionál (Banku Central Timor-Leste) mak hanesan ajente responsavel ba jestaun operasionál fundu mina-rai nian.

Ministériu finansas mak responsabiliza atu estabelese estratéjia investimentu tomak kona-ba fundu mina-rai nian.

Banku Central Timor-Leste jere ona petróleu besik liu ona pontu referénsia iha trimestre dala 58. Diferensa entre portafóliu no pontu referénsia hahú husi inisiu fundu nian mak pontu baze 4 (0.04%). Pontu prinsipal husi dala LVIII ne'ebé kobre husi períodu 1 Outubru 2019 to’o 31 Dezembru 2019, inklui kapitál fundu nian mak biliaun USD $17,69.

Osan kontratu brutu fundu nian tama husi kontribuisaun kontribuinte realize royalties hamutuk mak tokon USD $156,82. Osan kontratu líkidu ne'ebé sai husi fundu durante trimestre ne’e hamutuk tokon USD $552,48 kompostu husi tokon USD $549 transfere ba Orsamentu Jerál Estadu ho tokon USD $3,48 kobre kustu jestaun nian. Reseita líkidu durante trimestre ne’e hamutuk tokon USD $392,18, rendimentu portafóliu ne’e mak, 3,05% kompara ho rendimentu referénsia mak 3,07%.