Nune’e, Prezidente Parlamentu Nasionál, Aniceto Longuinhos Lopes Guterres, anunsia rezultadu votasaun ho votu a-favour (39), Kontra (0), abstensaun (20) no orsamentu ba primeiru ministru pasa no proposta laiha.
Tabela V despesa subsetor administrasaun sentral pur klasifikasaun organika estruturada pur programa, programa Primeiru Ministru ho total US$ 4.400.630, programa Seguransa Nasionál US$ 137.700, programa boa governasaun jestaun instituisionál US$ 4.262.930.
“Purtantu orsamentu primeiru ministru nian ami iha ne’e iha redusaun iha tinan kotuk iha tokon US$ 4.9, tinan ne’e tokon US$ 4.4 no redusaun hodi tau fali ba iha sekretariadu estadu komunidade timoroan esterna,” dehan PM Taur, iha Parlamentu Nasionál, Sesta (11/11).
Nia afirma, mezmu tokon US$ 4.9 ne’e horbainhira halo pergunta ida kona-ba Sekretariu Estadu Komunidade Timoroan Esterna nian, tanba sira iha sistema sira nia rubrika seidauk iha entaun orsamentu rihun US$ 500 ne’ebé retifikativu tau ba sekretariu estadu ne’e iha dotasaun todu governu, foin dadauk gabinete primeiru ministru mak jere hasai fali orsamentu husi primeiru minitru nian para finansia.
“Enkuantu rihun $500 ne’e ministériu uza fali ba buat sira ne’e, tanba sekretariu estadu ne’e seidauk iha rubrika rasik, maibé seidauk iha rubrika jestaun ne’e iat tenke interna ita halo ezersisiu ida ne’e para ajuda sekretariu estadu mais komunidade so tinan oin mak sira iha rubrika ketak ona ita iha 06 ne’e iha sira nia rubrika ketak ona. Ida ne’e hanesan Pontus balu ne’ebé ha’u hakarak klarifika deit ne’e ba distintu deputadu sira,” tenik nia.
Entretantu, parlamentu nasionál mós aprova kedas orsamentu ba Ministériu Prezidensia Konsellu Ministru (MPKM) nian meza halo leitutura orsamentu PCM Tabela, V despesa subsetor administrasaun sentral pur klasifikasaun organika estruturada pur programa, nia titlu 004 Ministériu Prezidensia Konsellu Ministru U$ 4.758.338 miloens dollar amerikanu aloka ba programa rua, ida programa 029 reforma estadu U$ 269.188 mill dollar, no programa boa governasaun jestaun instituisionál U$ 4.489.150 miloens dollar amerikanu la iha proposta.
Hafoin meza halo tiha leitura PPN Aniceto Longuinhos Lopes Guterres anusia mós rezultadu votasaun orsamentu ba PCM votu A-favour (39), Konstra (0) no Abstensaun (20) orsamentu ba PCM passa.
“Orsamentu ba Prezidensia Konsellu Ministru passa ha’u fó parabens ba PCM nia osan aprova,” dehan Aniceto Guterres.
