"Rezultadu votasaun a-favór 42 kontra 0 abstensaun 23 ne'ebé Orsamentu bá Ministériu Finansas Pasa," dehan Prezidente Parlamentu Nasionál Maria Fernanda Lay iha Parlamentu Nasionál, Segunda (17/11).

Enkuantu, Orsamentu bá MF ho montante $19.887.588 fahe ba kategoria, salariu no vensimentu $9. 658.169, bens no servisu $9.060.419, tranferensia públiku 0, kapital menor Rihun $760  no dezenvolvimentu rihun $409.

Entertantu, Orsamentu ne'e sei benefisia ba programa Jestaun Finansas Públikas, ho nia sub-programa lima hanesan, Jestaun patrimóniu Estadu, polítika Jestaun ba fundu petrolifero, rekollamentu dadus, kobransa ba reseitas no mobilizasaun finansiamentu, planeamentu, Orsamentu no polítiku ekonomika, ezekusaun orsamentál, Jestaun tezoreira, auditoria no monotorizasaun ba Avaliasaun no dezempeñu ho nia atividade 51.

Aleinde, programa funsionamentu no dezenvolvimentu instituisionál ho sub-programa tolu hanesan, funsionamentu instituisional, dezenvolvimentu nasionál no inferestrutura Edifisiu Administrativus ho nia atividade 18.

Enkuantu, iha diskusaun espesialidade ne’e, Deputadu husi bankada FRETILIN hato’o proposta rua, husu atu halo redusaun orsamentu rihun $400 ba rubrika profisional no $149.702 ba rubrika catering.

Nune’e, Ministra Finansas Santina Cardozo husu atu mantein orsamentu ne’ebé iha atu bele funsiona servisu Ministeriu nian.