Rajesh dehan, atu halo prevensaun kontrolla ba Covid-19 tenke hotu-hotu mantein nafatin medidas preventivas ne’ebé governu hatete.

“Maibé atu hatete ita atu halo prevensaun kontrolla ba Covid-19, ita tenke hotu-hotu mantein nafatin medidas preventivas ne’ebé governu hatete hanesan fase liman ho sabaun regularmente depois tenke uza maskra limita atu halibur malu karik halibur malu tenke uza maskra no mantein mós distansia fizika bainhira mear ho fani tenke uza liman sikun no mós medidas sira seluk ne’ebé importante ba saúde públika ninia,” dehan Reprezententa OMS iha TL Rajesh Pandav ba jornalista sira hafoin remata vizita kurtizia ho PR iha Palasiu Prezidensiál Bairu-Pite, Kuarta (02/09).

Iha Timor-Leste, nia dehan, OMS haree liu ba aspetu saúde públika nian atu kontrolla Covid-19, OMS haree katak kazu ne’ebé barak ne’e ba sidadaun sira ho ema estranjeiru ne’ebé tama husi fronteira, tanba ne’e OMS presiza haree ba ida ne’e.

Maibé, OMS nian kontinua atu halo métodu preventivas, liu-liu haree husi ema sira ne’ebé tama mai fronteira, maibé ba nasaun ida-idak nian sira bele haree to’ok medida saida maka importante ba nasaun ida-idak.

“Ita haree kazu Covid-19 ne’ebé akontese iha Marsu liu ba ema barak komesa tauk iha medidas preventivas ne’ebé ita hotu-hotu halo hanesan, fase liman ho sabaun, depois uza maskra, tenke mantein distansia fizika no mós bainhira mear ho fani karik tenke haree kona-ba ijene respiratóriu nian,” haktuir nia.

Hanesan mear ho fani uza liman sikun, maibé tuir mai OMS haree katak medidas ne’e bele salva duni atu prevene kontrolla Covid-19 tanba ne’e maka liu tiha loron 100 OMS sei iha de’it kazu 25 depois mai OMS foin hetan kazu 2 hamutuk 27. Maibé OMS haree katak populasaun barak iha TL komesa balun la fase liman ho sabaun regularmente, balun la uza maskra balun ne’ebé atende eventu sosiais sira ba ema barak.