Vise Primeiru Ministru no Ministru kordenadór asuntu Ekonmiku (MKAE), Francisco Kalbuady Lay hateten, orsamentu ba tinan 2025 ne’e foku mós ba programa diversifikasaun ekonimika.
“Programa tinan oin mai ne'ebé maka atividade lubuk atu kumpre OMK tinan ida tomak, nune'e mós ba ita-nia adezaun iha ASIAN, tanba pilar ekonómiku maka prioridade ba ita-nia adezaun iha ASEAN. Alende polítika ho asuntu sira seluk maibé fokus liu ba iha lejislasaun no kooperasaun entre rai sira seluk iha paíz ASEAN ninian hamutuk nasuan 11 inklui Timor-Leste,” dehan nia, iha Parlamentu Nasionál, horisehik.
Nia hatutan, formasaun ba palestra rihun 189 kustu ba konsultan iha MKAE presiza tebe-tebes, ema peritu lubuk ida ne'ebé tenke fó sira-nia servisu ba iha asuntu refere.
Vise PM ne’e haktuir, tekniku inter-ministériál hamutuk ho ema na’in 30 resin, maka halo servisu koordenasaun ho MAKE iha prosesu OMK ninian.
Orsamentu 2025 ne’ebé preve Vise Primeiru Ministru no Ministériu Koordenador asuntu Ekonómia ho valor US$ 4.503.490, fahe ba kategoria salariu vensimentu US$ 2.091.210, Bens Servisu US$ 1.916.780, Trasferensia públika US$ 400.000, kapitál Menor US$ 95.500, Kapitál Dezenvolvimentu laiha. Ho programa funsionamentu institusionál US$ 1.726.553, programa investimentu diversifikasaun ekonómiku US$ 2.776.937.
Kona-ba iha salariu vensimentu, Governante esplika, forsa traballu ne’ebé maka iha gabinete MKAE hamutuk ema na’in 134, funsionariu iha CCD 35 , inkui mós salariu ne’ebé maka atu aloka ba adidu sira.
“Hanesan ita hotu hatene MKAE maka koordena servisu ne’ebé iha WTO, entaun depois ita hatene simu ona hanesan membru plenu iha 30 Agostu, nune’e ita tenke aloka kedas orsamentu balu ba xefe misaun,” tenik nia.
