Parlamentu Nasionál halo aprovasaun espesialidade ba orsamentu MNEK ho rezultadu votasaun a-favór 40 no abstensaun 22.
Tuir livru aneksu XI planu anuál ba serbisu no entidade setór públiku administrativu iha 2023. MNEK iha programa polítika esterna Timor-Leste prevee US$ 22.814.546 ho sub-programa defende no promove interrese TL iha rai-li’ur ho atividade reprezentasaun TL nivél bilaterál, rejionál no multilaterál, sub-programa kooperasaun ba dezenvolvimentu ho atividade asegura sistema administrativu no operasionál, sub-programa koordensaun asuntu bilaterál no multilaterál ho atividade vizita Estadu, vizita ofisiál serbisu, sub-programa fasilita no koordenasaun institusionál iha ezekusaun polítika externa ho atividade tolu.
Iha sub-programa reforsa no fortalese jestaun no reprezentasaun asuntu kárater multilaterál no rejionál ho atividade rua, sub-programa jestaun koordenasaun asuntu bilaterál ho atividade rua.
Nune'e mós iha programa boa-governasaun no jestaun instituisionál prevee US$ 5.555.727 ho sub-programa 3 no atividade 7.
OJE MS Tokon $63 Pasa
Purtantu Parlamentu Nasionál (PN) aprova proposta-lei Orsamentu Jerál Estadu (OJE) 2023 ba Ministéiru Saúde (MS) iha espesialidade ho rezultadu votasaun a-favór a-favór 40 no abstensaun 21.
Enkuantu proposta lei OJE 2023 ne’e Ministériu Saúde (MS) prevee orsamentu ho montante US$ 63.158.816.
Iha programa boa-governasaun no jestaun instituisionál prevee US$ 8.120.800 ho sub-programa boa-governasaun ho atividade neen (5), sub-programa jestaun instituisionál ho atividade hitu (7), sub-programa parseira ho atividade rua (2), sub-programa suporta desentralizasaun saúde ho atividade rua (2), sub-programa rejistu serbisu saúde ho atividade rua (2).
Iha programa saúde prevee US$ 55.022.716 ho sub-programa dezenvolvimentu rekursu umanu ba atende prokura forsa traballu saúde ho atividade haat (4), sub-programa kontrola moras transmisiveis ho atividade neen (6), sub-programa nutrisaun ho atividade tolu (3), sub-programa jestaun saúde públika ho atividade 10, sub-programa kontrola moras la transmissíveis ho atividade lima (5).
Iha sub-programa saúde materna no infantil ho atividade haat (4), sub-programa insfraestrutura no kuidade primáriu saúde ho atividade tolu (3), sub-programa serbisu internamentu ho atividade tolu (3), sub-programa serbisu ambulatória ho atividade tolu (3), sub-programa serbisu apoiu médiku ho atividade haat (4), sub-programa jestaun médika no farmaseutika ho atividade tolu (3), sub-programa jestaun farmaseutika no regulamentasaun ho atividade rua (2).
Nune'e mós programa igualidade jeneru no inkluzaun sosiál prevee US$ 15.300 ho sub-programa abordajen jeneru ho atividade tolu (3).
