"Inisiativa ne’ebé hahú ona iha semana kotuk, sei hala’o mós iha loron, aban (ohin) loron 4 fulan-fevereiru tinan 2022, durante loron tomak no sei realiza iha kada sexta-feira hodi bele redús moras dengue ne'ebé ho númeru kada loron aumenta", dehan nia liu husi konferensi imprensa iha Palasiu Governu, kinta horseik (03/02).
Nia hatutan, ba asaun limpeza jeral nee, Ministériu Administrasaun Estatál mak sei sai nu’udar responsável hodi divulga ba órgaun no servisu sira iha administrasaun públika nian, norma sira ne’ebé liga ba organizasaun no distribuisaun ekipa sira ba limpeza jerál.
Tanba nee, Governu nafatin apela ba autoridade lokal sira atu mobiliza populasaun hotu atu hola parte iha realizasaun asaun limpeza jerál iha fatin públiku, bairru no sira nia hela fatin.
Nia hateten, kampaña limpeza ida ne'e, hanesan parte husi medida sira atu kombate surtu dengue.
Entretantu, tuir dadus husi Ministeriu Saúde neebé relata, hahú husi 1 janeiru too 3 fevereiru 2022, total kazu dengue hamutuk 1.492. husi númeru nee na’in 25 mak lakon ona vida.
Asistente Editor: Saturnina da Costa
