Presidente Repúblika dekreta Estadu Emerjénsia durante fulan ida, hahú husi 28 Marsu too 26 Abril 2020, relasiona ameasas surtu COVID-19.
Portavoz Sentru Integradu Jestaun Krize (SIJK), Dr. Rui Maria de Araújo hatete, dadus kona-ba COVID-19 ohin loron kazu konfirmadu mantein 24, total suspeitu sa’e 462 kompara ho Sábdu-horisehik 409, no rezultadu negativu hamutuk 367.
“Ema ne’ebé rekuperadu na’in neen (6), ema ne’ebé hein rezultadu teste laboratóriu 81,”dehan nia iha konferensia imprensa iha CCD, ohin.
Nia informa, ema ne’ebé sei iha konfinamentu obrigatoriu 314 no ema ne’ebé halo auto karantina iha Dili na’in neen (6), iha munisipiu sira hamutuk 39, no ema ne’ebé sai ona husi karantina 1.691.
Nia mós fó hanoin nafatin ba públiku katak tau atensaun nafatin ba ijiene pessoal fase liman bebeik mantein distansiamentu sosial no distansiamentu fíziku, bainhira sai husi uma uza maskara nafatin.
Entretantu tuir dadus Organizasaun Mundial Saúde (OMS) katak to’o ohin loron 26 fulan-Abril kazu konfirmadu hamutuk millaun 2.922.078. no ema ne’ebé maka mate hamutuk rihun 203.307, no ema ne’ebé rekuperadu hamutuk rihun 837.156.
