Portavoz Sentru Integradu Jestaun Krize (SIJK) Dr. Rui Maria de Araújo hatete, Servisu Saúde Munisípiu (SSM) Likisa halo triajen iha fasilidade saúde sira atu bele deteta COVID-19 nia transmisaun iha komunidade.
“To’o horisehik rekolla ona 27 espesimen hodi halo teste laboratóriu tanba ne’e agora dadaun hein rezultadu teste hodi bele determina nia transmisaun iha komunidade ka lae,”dehan nia iha konferensia imprensa iha CCD, Ohin.
Nia informa, karik rezultadu sai maka iha ona transmisaun iha komunidade, Sentru Integradu Jestaun Krize sei foti medidas ruma no bele sei blokeia dalan munisipiu Likisa nian. Atu nune’e Profesional Saúde sira bele halo nia servisu hodi kontrola.
