Xefe suku Mehara, Marcos Lopes hateten, iha suku Mehara natar hamutuk 50 ektares no sei kultivu kuase 18 no kuaze 38 hetares mak sei abandona, entaun oinsá mak bele hasa'e produsaun iha rai laran.

Autoridade lokal husu governu tenke fasilita trator ho ekipamentus balun atu nune'e agrikultor  sira bele hala'o natar no sira seluk tan, tanbá ne'e ekipamentus laiha natar balun sei abandona hela ne'e.

"Ami nu'udar autoridade lokal husi suku Mehara postu adminitrativu Tutula Munisipiu Lautem iha ne'e komunidade sira preokupasaun bo'ot kona-ba ekipamentu sira atu bele ajuda hodi halo natar," Dehan Nia ba Jornalista INDEPENDENTE iha suku Mehara foin lalais ne'e

Nu'udar Autoridade lokal  hato'o preokupasaun sira ba relavante sira maibé nafatin dehan orsamentu la to'o, nune'e ita hanoin katak aban bairua sei hare'e Komunidade sira nia preokupasaun sira ne'e.

Iha suku ida ne'e na realidade agora iha fulan Dezembru nia laran maibé komunidade lubuk ida seidauk halai natar, no presiza governu hodi hare'e prioriedade sira ne'e tanbá hakarak hasa'e produsaun.

"Ita presiza preserva riku soin sira tanbá hare'e komunidade sira ne'e atu halo natar maibé trator hand-tractor laiha, autoridade lokal hato'o hela deit  ba Governu liu husi Ministeriu Agrikultura, Pekuaria, Peska no Floresta (MAPPF) na realidade to'o ohin loron nafatin laiha ekipamentus," Nia husu

Nia haktuir, Komunidade sira iha suku Mehara  moris nu'udar agrikultura hanesan hare no batar kada tinan Komunidade sira halo to'os no natar, maibé sira nia preokupasaun maka be'e tanbá sira depende ba udan be'en.

Bainhira hanesan mudansa klimatika karik be'e no udan laiha komunidade sira la halo duni sira nia natar ho to'os, xefe suku iha planu atu halo pedidu hodi haruka ba Ministeriu Agrikultura, Pekuaria, Peska no Floresta (MAPPF) nune'e atu halo irregasaun atu husi be'e ba natar.

Iha suku Mehara natar sira ne'e luan lo'os no ami nia referensia ida husi 2003 to'o 2004 nia laran iha nivel munisipiu hahan laiha, mais realidade fan fos tanbá uluk mudansa klimatika sei diak hela Komunidade sira hotu halo natar no to'os.

Maibé hare'e ohin loron desenvolvementu la'o nafatin ne'ebe ita nia mudansa klimatika agora la hanesan ida uluk, tanbá mudansa klimatika ida uluk diak tanbá komunidade sira halo to'os ho natar  no mos produsaun diak.

Komunidade sira iha area Irakusalu infrenta  kona-ba mudansa klimatika no presiza Ministeriu relavante sira hodi halo irregasaun husi be'e ba natar atu nune'e komunidade sira bele halo natar.

Governu tenke hare'e asuntu sira ne'e  tanbá agrikultor sira iha Parque Nasional Nino Konis hakarak halo natar maibé presiza ekipamentus hanesan trator hand-tractor.