Diretór Jerál Peska Aquikultura no Jestaun Rekursu Aquatikus, Celestino da Cunha Barreto hateten, motivu husi akordu ida  ne'e atu fasilita hasa'e Konesimentu ba funsionariu sira iha area oinsá atu kaer ikan iha tasi laran.

 Tanba durante ne'e Ministeriu Agrikultura, Pekuaria, Peska no Floresta (MAPPF) halo kooperasaun hodi  servisu hamutuk ho Japaun International Cooperation Agency (JICA) la'o diak  tebes.

Durante ne'e JICA apoiu ona Ministériu Agrikultura, Pekuaria, Peska no Floresta (MAPPF) hodi fó kapasitasaun ba rekursu umanu liu-liu iha Diresaun Peska makas tebes.

 Kada tinan ema na'in lima sempre hetan kapasitasaun iha parte tékniku, tanba ne'e ho apoiu ne'ebé JICA ofesese kada tinan ne'e nune'e ohin MAPPF kontinua selebra tan asina MoU ho JICA ba tinan tolu.

Nia dehan , hodi nune'e atu kontinua hasa'e koñesimentu di'ak liu-tan ba rekursu umanu iha area importante sira, ho akordu ne'ebé asina ona sei implementa iha tinan  2025 to'o 2028.

MAPPF ho JICA fo  kapasita  ba funsionáriu MAPPF no komunidade peskadór sira, kapasitasan kona-ba levantamentu de dadús (Base line) no mós kapasitasaun ba area teknolojia kona-ba oinsá atu kaer ikan inklui halo promosaun ba merkadu sira.

Atividsde ne'e sei involve ita nia komunidade sira iha area kosteiru parte norte nian husi Munisípiu hitu (7) hahú husi Bobonaru, Liquiça, Dili, Atauru, Manatutu, Baukau no Lautem.

Ho Espera katak MAPPF ho JICA nia  servisu hamutuk ida ne'e bele fó benefisiu boot ba komunidade peskadór sira iha area kosteiru.

Kona-ba  fundus ne'ebé aloka ona ba programa kapastasaun ne'e JICA maka prepara. totál huso orsamenru ne'ebé sira preve purvolta millaun $3 ba tinan tolu.

 Agora atu  sai responsabilidade ba Ministériu nian maka prepara fatin ka eskritóriu ba formadór sira husi JICA atu hela hodi apoiu atividade formasun ba formandu sira, prepara transporte hodi transporta formandu sira durante tinan tolu nia laran, inklui MOP ba funsionáriu sira ne'ebé partisipa iha formasaun refere.