Xefe Departamentu Obstetrika Ginekolojia, HGNV, Zinia Marscarenhas informa, durante loron rua nia laran, profisional saude sira kontinua hala’o sira-nia servisu hodi atende pasiente sira.

Iha 24 no 25 Dezembru, nia hatutan, iha inan na’in 31 mak tuur ahi ka partus. Husi númeru ne’e na’in 17 partus normal, na’in 14 cesarina no vacon na’in rua.

“Iha loron 24 no loron 25 (Dezembru) totál bebé ne'ebé mak moris hamutuk 33, kaduak rua," dehan Zinia ba jornalista sira, iha nia kna'ar fatin, HNGV, Sesta (27/12).

Bebé na'in 33 ne'e kompostu husi feto na'in 16 no mane 17.

"Mate laiha. Bebé sira ne'e maioria mai husi Munisípiu Dili," nia dehan.

Ba cesarina, nia dehan, daudauk ne’e nia númeru atu hanesan ona ho partu normal tanba iha kazu balun ne'ebé tenke halo operasaun hodi salva bebé.

"Agora daudaun ita haree partus normál ho cesariana ne'e nian númeru ne'e kauze atu besik malu, tanba iha kazu ida opera ne'e mak barak liu mak iha vitál stress, bebé ne'ebé mak nia jantuh la ho normál, entaun ami iha indikasaun duni atu opera hodi salva bebé ho di'ak," dehan nia.