Entretantu , arguidu MC ne’ebé mós nu’udar eis-membru Governu, Ministériu Públiku husu ba Tribunál atu halo alterasaun ba krime partisipasaun ekonomi no negosiu ba fali krime administrasaun neglijente ne’ebé previstu iha artigu  275  husi Kodigu Penal tanba arguidu falta-de-kuidadu.

Ministériu Públiku haree ba sirkuntansia sira katak faktu iha akuzasaun laran provadus hotu tanba karau laiha no la mai no mosu tan karau nia hahan mos laiha.

Tuir deklarasaun husi sasin sira, pagamentu lao hela maibé karau la mai, arguidu sira nia deklarasaun imparsialmente katak, selebrasaun projetu ne’e konkorsu ida maibé teknikamente arguidu sira viola lei aprovizionamentu.

Tanba iha dokomentu balun kompana Nova Breeding And Trading la prienxe iha faze dokumentu abertura to’o iha juri atu halo selesaun dokumentu,kuandu projetu ne’e lao ona, kontratu lao ona,  ne’e komesa husi juri to’o iha arguidu LBF nia fatin, tanba iha altura ne’eba nia hanesan diretór jéral iha MAP. Tanba ne’e, MP haree iha indisiu akuzasaun ne’e aprovadu hotu kedas.

Arguidu MC nia laiha koñesimentu kona-ba projetu karau susu-been maibé Ministériu Públiku haree arguidu nia asinatura iha eis-Ministru Mariano ‘Assanami’ Sabino nia asitura.

Arguidu nain tolu MP mantein nafatin ba krime partisipasaun ekonomi ne’ebé previstu iha artigu 299 husi no mos krime falsifikasaun dokumentu ne’ebé previstu iha artigu 303 husi Kódigu Penál.

Nune’e mos parte defeza husi arguidu MC husu ba tribunál atu aplika pena absolvisaun tanba arguidu MC so apenas asina de’it nia la envolvimentu iha projetu ne’e.

Alende ne’e, defeza husi arguidu LBF ho FO husu ba tribunál atu aplika pena absolviaun tanba iha akuzasaun laran arguidu nain rua ne’e komete krime partisipasaun ekonamiku no mos falsifikasaun dokomentu.

Tuir defeza, arguidu nain rua ne’e la envolve iha komisaun ida, no arguidu sira mos la hetan vantajen husi kompana ne’e rasik. Kona-ba falsifikasaun dokumentu ne’e arguidu sira la halo maibé testemuña sira mak halo dokumentu ne’e.

Alende ne’e, defeza husi arguida RCH husu ba tribunál  katak  nia-kliente liu-liu ba responsabilidade iha ierarkia, kestaun prova mosu iha tribunál komisaun nia funsaun kente avalia no aprova dokumentu hot-hotu iha envoice iha asitura.

Bazeia alegasaun arguida hetan pena prizaun tinan 8 ne’e la justu tanba arguida la aproveita buat ruma husi kompana.

Tanba ne’e, parte defeza husu ba tribunál atu absolve arguida husi krime ne’ebé imputa ba nia no mos husu ba tribunál atu tetu no fó justisa ne’ebé adekuadu. 

Tribunál rona tiha deklarasaun husi parte rua Tribunál adia julgamentu ne’e ba  fali loron seluk hodi  rona leitura akordaun.

Antes akuzasaun, MP aprezenta ba tribunál katak arguidu sira envolve iha krime partisipasau ekonomiku negosiu no mos falsifikasaun dokumentu  kona ba sosa fini ba karau susubeen hamutuk 165 husi Australia hodi distribui ba benefisiariu iha Eraulu, sub distritu Lete Foho, Ermera no Fuiloro, Distritu Lautem ho montante USD $660,000.

Arguidu sira ne’e komete krime kazu krime bainhira sei asume kargu iha Ministeriu Agrikultura no Pesa, arguidu MC nu’udar Vise-Ministru, arguidu LBF Diretor Jeral MAP, arguida RCH Diretora Nasional Aprovisionamentu no arguidu FO nu’udar Xefe Departementu Lojistiku MAP no mos arguidu MR nu’udar Diretór Kompañia Nova Breeding and Trading.

Audensia julgamentu ne’e prezide husi juis kolektivu, Julmiati Freitas, Ana Paula, Eusebio Xavier, Ministériu Públiku reprezenta husi prokuradór Jacinto Babo, Rogerio Viega, arguidu sira hetan asistensia legal husi advogadu privadu no Defensor Publiku.

Arguidu MC hetan asistensia legal husi advogadu privadu Francisco Caetano Martins, arguidu LBF, FO hetan asistensia legal husi advogadu privadu Aderito dos Reis, arguida RCH hetan asistensia legal husi Defensór Públiku Marcal Mascarinhas.