Nia dehan, diskusaun programa governu remata MUTL sei haruka karta petisaun ba PN hodi husu diálogu ho MU TL hodi rezolve problema prado.

MUTL kontinua husu ba PN tenke foti desizaun imediata ba membru Deputadu III Lejizlatura ne’ebé seidauk iha konxiénsia koopera ho desizaun hodi fó fila karreta ba Estadu.

Portavós MUTL, Jones Xímenes hateten, loloos hahú asaun manifestasaun hasoru Parlamentu Nasionál kona-ba leilaun karreta prado, maibé sei pendente ba tempu tuir mai.

“Husu ba Parlamentu Nasionál IV lejizlatura tenke tau ba pratika, labele retórika de'it, tanba uluk Prezidente sesante PN deklara katak hapara leilaun prado, maibé kontinua leaun nafatin”, tenik nia, iha Kampus UNDIL, horisehik.

Nia reforsa tan, bainhira la kumpre desizaun IV lejizlatura hodi fó fila hikas karreta maka MUTL prontu koopera ho parte PNTL hodi tun diretamente ba deputadu ida-idak nia uma lori fila hikas karreta Estadu ba PN.

Nune’e, bele fasilita deputadu sira husi IV Lejizlatura hodi utiliza hala’o servisu to’o mandatu remata iha tinan lima oin mai.