Tuir Diretór Nasional Asistensia Sosial, iha MSSI, Lukas Tois, hatete, tuir lolos kareta funerariu ne'e intrega ona ba AMD Kleur ona, maibé tanba iha failansu, nune'e iha fulan ne'e foin integra.

“Ohin intrega ba AMD, sira mak sei responsabiliza ona, servisu atendementu ba karru Funerariu dentru iha Dili,”dehan nia iha edifisu Autoridade Munisipal Dili, tersa ne’e (11/10).

Nia hatutan, MSSI sei atende deit kazu mate ne’ebé iha HNGV, hodi transporta ba munisipiu.

Enkuantu, atu halo atendementu ba kazu mate, ne’ebé iha Kapital Dili, ne’e responsavel AMD nian.

Iha fatin hanesan, Prezidente Autoridade Munispiu Dili, Guilhermina Filomena Saldanha Ribeirro, hatete, termus entrega ne’e ho objetivu bazeia ba “dekretu lei N.º 3 / 2016 de 16 de Março Estatuto das Administrações Municipais, das Autoridades Municipais e do Grupo Técnico Interministerial para a Descentralização Administrativa ....”. Nune’e, liu husi dekretu lei ne’e fó oportunidade hodi halo akordu entre MSSI no MAE hodi fó ba munisipiu sira.

“Infelismente implementa ona atendimentu karru funerariu ba publiku, so iha Dili mak tuir lolos iha 2017, maibé suspende, tanba failansu tekniku no mós rekursus, entaun seidauk intrega, entaun durante ne'e munispiu Dili la halo implementasaun atendimentu karro funerariu ba publiku,”dehan nia.

Tan ne’e, nia parte agradese tebes ba MSSI ne’ebé entrega ona karru funeraiu rua ba AMD, hodi kompleta ba karru funeariu ne’ebé sira iha, hamutuk haat ona, hodi halo atendementu ba komunidade sira.

Entretantu, Prezidente ne’e mós dehan, nia parte, prontu atu tulun no servisu hamutuk ho ministeriu relevante sira ba interese povu nian.