Vise-Ministra Solidariedade Sosial No Inkluzaun, Céu Brites hatete, benifisiariu Bolsa da Mãe (BdM) Kondisional ne’e maka benifisiariu sira ne’ebé sei hahú nia estudu iha nivél primaria to’o sekúndariu.
“Halo lansamentu ba programa Bolsa da Mãe Kondisisonál ne’ebé labarik sira ne’ebé atende eskola husi primaria, Pre-sekundariu no sekundáriu, hamutuk ho Presidente Autoriedade Munisipiu no Konsellu Administrativu BNCTL inklui servisu Solidadariedade Sosial no inkluzaun munisipiu Aileu, Baukau no Manatuto,” dehan Minstra iha suku Cribas Manatuto, Kuarta (24/07).
Vise Ministra Céu Brites, hatutan, pagamentu bolsa da mãe faze dahuluk ne’e, ba tinan ida nian, maibé la inkliu munisipiu Dili, Vikeke no Atauro tanba sei hadia hela dadus tan iha dadus barak mak seidauk los.
Iha Fatin Hanesan, Prezidente Autoriedade Munispiu Manatuto, Luis Fernandes Hatete, bolsa da mãe ne’e, eziste liu ba inan aman sira ne’ebé kbiit la’ek hodi ajuda oan sira ba eskola, tanba eskola ne’e importante.
“Bolsa da MAene’e ejize liu bá inan-aman sira kbiit laek atu ajuda oan sir aba eskola, eskola ne’e importante, ha’u husu bai nan-aman sira ajuda aon sira ba eskola,” dehan PAM.
Enkuantu, Prezidente Konsellu Administrasaun Bnctl, Lúcia da Cruz Flor, hatete, kooperasaun bnctl ho mssi ne’e eziste kleur ona, nune’e nia parte agradese ba konfiansa tomak, ne’eb’e povu fó ba BNCTL
Iha biban ne’e, BNCTL mós husu ba benifisiariu sira, bainhira iha prosesu pagamentu maka hasoru problema ruma, tenki hato’o ba iha BNCTL no MSSI tuir provas ne’ebé iha hodi rezolve lalais.
“Ami agrdese tebes ba benifisiariu sira tanba bele fó fiar on aba ami, BNCTL servisu hamutuk ho MSSI la,ós foin ohin maibe iha tempu naruk nia laran, buat midar no moruk ami liu hotu ona,” katak Lúcia.
Tuir dadus, benifisiariu bolsa da mãe kondisional ba tinan 2024 hamutuk rihun 56.188, ne’ebé mai husi munisipiu sira la inkliu Vikeke, Dili no Atauro.