“Daudaunita prosesa hela dokumentu sira, espera iha tempu badak ita bele haruka ba rai li’ur,” Diretora Nasionál Prestasaun Serbisu Saúde MS, Odete da Sivla Viegas, hateten hafoin partisipa Workshop ba Dezenvolvimentu Pakote Kuidadu Saúde Sekundária iha Salaun Novu Turizmu, Kuarta(09/03).
Antes ne’e, Vise Sanselér Dioseze Maliana, Padre Levinson Verdiál hateten, Amu Bispu iha moras fuan no problema saraf iha kakutak maibé restante ne’e kondisaun normál.
“Entau tenke baixa hodi hetan lai asisténsia husi médiku espesialista, hafoin sira halo observasaun no halo identifikasaun atu bele deside atu kontinua baixa ka transfere ka bele alata ona,” nia hateten.
Tuir rezutadu teste ne’ebé médiku sira hasai ne’e Amu Bispu nia moras saraf ne’e normál hela, latodan maibé tanba ninia tensaun ne’e mak halo ran intupidu tiha iha nia katukat, ida ne’e mak kauza estruk ne’e.
Iha sorin seluk, Diretór Klinika Hospitál Nasionál Guido Valadares, Marcelino Correia hateten, hafoin Amu Bispu Maliana mai baixa iha sala ICU tanba nia kondisaun grave, nune’e halo observasaun normal fila-fali, daudaun ne’e médiku sira muda ona Amu ba iha sala VIP hodi kontinua halo atedimentu.
