Diretor Servisu Autónomu Medikamentu no Ekipamentu Saúde, Santana Martins hateten, ho problema ne’eSAMES loke ona prosesu aprozionamentu, nune’e SAMES sei hahú halo avaliasaun iha inisiu fulan Abril.

“Ita espera iha fulan Juñu-Jullu ne’e ai-moruk moras mental nian ne’e bele tama ona ita nia nasaun, tanba nesesidade iha baze ne’e iha duni,” nia hateten  hafoin partisipa Workshop ba Dezenvolvimentu Pakote Kuidadu Saúde Sekundária iha Salaun Novu Turizmu, Kuarta (09/03).

Babain SAMES kompras ho produtu sira seluk, maibé iha tinan ida ne’e kompra espesifiku kada projetu, tanba orsamentu adisioná mai husi Parlamentu Nasionál, entaun SAMES hala’o nia prosesu tenke ketak.

Maibé SAMES iha maneira rasik oinsá atu prosesa lalais estoke mamuk sira ne’e, liu husi  prosesu aprozionamentu la’o ona no maneira seluk ne’ebé SAMES halo maka, kontrata kompaña lokál iha rai laran, bainhira haree katak estoke ne’e minimu ka laiha ona, sei halo order ba atu bele suplay daudaun.

Estoke medikamentu enjerál daudaun ne’e pursentu 36 mak mamuk, ida ne’e signifika ultrapasa ona husi idikadór ne’ebé Governu defini, katak estoke mamuk labele liu husi pursentu 20, maibé realidade pursentu 36 mak mamuk.