Diretór Gabinete Polítika, Planeamentu no Kooperativu iha Ministériu Saúde, Narciso Fernandes hateten, programa integrasaun MS halo ba Saude na Familia ne’e vitiza uma, oinsa  atu  detekta labarik sira ho mánutrisaun no inan isin rua sira ne’ebé ho mánutrisaun  nune’e bele hetan atendimentu.

“Agora daudaun ne’e kazu mánutrisaun sai hanesan problema bo’ot ida iha ita nia rain, tanba ne’e maka programa intergrasaun nia objetivu ne’e Saude na familia  atu halo deteksaun  ba málnutrisaun,” nia hateten iha Postu Saude Kampu Alor, Kuarta (21/12/2022).

Ministeriu Saude kontinua halo demostrasaun oinsa inan isin rua sira han hahan ne’ebé nutritivu no saudável no oinsa mak inan sira fó han hahan ne’ebé nutritivu ba oan sira.

Antes ne’e Diretór Ezekutivu  Klinika Bairru-Pité, Inacio dos Santos hateten, labarik sira ne’ebé ho idade tinan hitu mai karaik hamutuk 10 to’o 12 mak hetan mánutrisaun.

Husi númeru ne’ebé iha 6.85% mai ho mánutrisaun agudu no 15% mai ho mánutrisaun grave no mos rejistu inan isin rua sira ne’ebé mai ho mánutrisaun anemia hamutuk ema na’in 17 kada fulan.