Tuir Diretór Ezekutivu HNGV, Alito Soares, hatete, estasionamentu ne’e, atu asegura rodaviariu husi vizitante sira, ema ne’ebé akompaña pasiente, traballadór HNGV nian no mós rodaviariu professional Saúde sira nian. Nune’e, sira bele para tuir regras kondigu estrada, atu labele fó impaktu ba ambulansia ne’ebé tama no sai husi emerjensia.

“Ohin inagura parajen (estasionamentu) ne’ebé fahe ba haat hanesan, A, B, C no D iha area  HNGV atu bele fó espasu ba movimentu rodaviariu vizitantes  sira  hodi bele para,” dehan nia serimonia inagurasaun, iha HNGV, kinta ne’e.

Tanba ne’e nia husu, ba vizitante sira hotu atu kumpri sinais ka regras ne’ebé iha area refere, hodi labele prejudika movimentu ba atendementu pasiente liu-liu ba ambulansia sira ne’ebé lori moras mai.

Tuir planu, iha fulan oin mai ezekutivu sira sei kordena ho liña ministeriu, atu halo kobransa rodaviariu sira ne’ebé para iha fatin estasionamentu.

Tuir nia, montante orsamentu ne’ebé atu selu sei define bainhira iha ona kordenasaun ho parte hotu, maibé ida ne’e sei iha prosesu nia laran.

Iha Fatin hanesan Komandante Tranzito Munisipiu Dili, Inspektur Domingos Sarmento Gama, hateten, kona ba estasionamentu HNGV nian sira iha regras rasik.

Maibé, relasiona ho estasionamentu tuir lei kodigu estada nian ho númeru 6/2003 hatete katak, sinais sira ne’ebé Governu estabelese, sidadaun hotu iha dever atu kumpri sinais refere.

“Karik sidadaun ida mak iha ona karta kondusaun maibé kontinua viola, sidadaun refere sei prosesa tuir lei ka nia sei hetan pena no mós se mak viola regulamentu ne’e sei hetan sansaun ne'ebe hakerek iha kodigu estrada no sirkular ne'e sei implementa hahú iha loron 7 Fevereiru tinan 2022.

Entretantu, orsamentu ne’ebé gastus ba konstrusaun estasinamentu ne’e hamutuk dolar amerikanu rihun $120.

Asistente Editor: Saturnina da Costa