Tanba, membru sira barak husi area rural hakarak atu mai aprende no buka esperensia matenek iha kapital maibé fatin ne’e la sufisiente.
Nune’e, Diretór ne’e rekomenda ba Governu se bele halo konstrusaun edifisiu ba ema ho defisiénsia matan ne’e iha Tibar.
"Atu rekomenda ba governu no parte relavantes sira, ami nia ema difesiénsia matan sira nadodon mai hakarak atu aprende, maibé fatin limitadu. Nune’e ami husu ba Governu atu rona ami nia ezijensia sira ne'e no resposta ho positivu, atu iha tinan ida ne’e favor tau fundus mai ami, atu halo konstrusaun ba ami nia edifisiu iha Tibar,” dehan nia ba Online INDEPENDENTE iha edifisiu AHMDTL, Manleuana, kuarta horseik (12/01).
Ezekutivu ne’e hatutan, sira iha rai mamuk ho luan metro 30×30, ne’ebé padre balun husi Australia mak sosa ba sira iha tinan 2017, maibé abandona to’o agora, tanba laiha kbiit liu-liu fundus atu halo konstrusaun refere.
Enkuantu, fatin ne’ebé daduk ne’e sira hela, kada fulan sira seluk dolar amerikanu rihun $950 ba rai na’in.
Asistente Editor: Saturnina da Costa
