Na'in ba Kompaña Alemor Marly, Mariana Guterres hatete, kompaña refere sai fornesedor ba PNDS hodi fornese material fabrikanu no non fabrikanu hanesan Arus Odamatan no janela ba Uma Naroman ba Povu (UNP) iha Aldeia Daraloi leten, Suku Samalari, Postu Administrativu Baguia, Munisipio Baucau senti sai vítima tanba konsidera iha prosesu pagamentu la tuir mata dalan PNDS nian.
Nia dehan, bazeia programa PNDS ne'ebé la'o iha teritorio nasional fó prioridade ba Kompaña lokal mak sai fornesedor ba material fabricano no la’o fabricano, tanba ne'e fó kotasaun liu husi Ekipa Jestaun Suku (EJS) mak fó ba kompaña ne'ebé eziste iha Munisipiu Baucau.
Tanba ne'e, liu husi oportunidade ne'e Kompaña Alemor Marly konkore iha vaga refere, ikus mai Ekipa Jestaun Suku informa liu husi via telephone katak Alemor Marly mak sai hanesan manan nain.
Nia dehan, iha loron 27 Fulan-Outobru 2021 kompaña husu ba EJS atu asina kontratu hodi sai baze legal, maibé ekipa EJS hateten entrega uluk material hafoin assina kontratu.
"Ho nunue'e ami husi kompaña refere husu atu desidi loron hasoru malu hodi ko'alia ninia prosesu kontinuasaun hanesan assina kontratu, no iha loron 27 fulan-Outubro 2021. Konsege hasoru malu atu assina kontrato sai baze legal ba parte rua molok distribui material ne'ebé mensiona iha leten maibé EJS hateten entrega uluk arus odamatan no janela mak assina kontratu dala ida, tanba EJS fó garantia ba kompañia refere mak sai manan na’in," Dehan Na'in Ba Kompañia, iha Luru-Mata, Segunda ( 05/06).
Mariana Esplika, iha loron 05 fulan Novembro tinan 2021 fornesedor tenta husu nafatin kontratu atu assina, maibé EJS mantein nafatin ninia desizaun katak distribui uluk arus odamatan no janela mak assina kontratu dala ida, entaun kompañia fiar ba dezisaun EJS hodi distribui material refere no entrega ba iha Suco iha loron 18 fulan Novembro tinan 2021 ho nia notas dala ida, ikus mai EJS haruka badaen sira monta material hotu no la iha duvidas.
Nia haktuir, ho nune'e fornesedor kada fulan kontinua halo konfirmasaun ba prosesu pagamentu, maibé EJS dehan seidauk iha osan atu selu, entaun fornesedor kontinua hein prosesu pagamentu maibé iha loron 28 fulan Marsu tinan 2022 fornesedor simu informasaun liu husi via telefone katak iha ona osan atu halo pagamentu maibé montate osan iha notas no kotasaun la hanesan, nune'e Ekipa Jestaun Suco lakonsege halo pagamentu.
"Husi ne'e, mosu dezentendemetu, tanba EJS hakarak janela rua atu selu mak ida de'it no ida seluk la konsidera atu selu no hahú husi ne'e EJS halo pagamentu kontradis ho mata dalan PNDS nian, tanba PNDS iha Postu Administrativu lima mak hanesan Kelikai, Laga, Venilale, Baucau Villa no Vemase halo pagamentu ba janela rua seluk, tuir mata dalan haruka, maibé iha Postu Administrativu Baguia de'it mak selu la tuir mata dalan PNDS," nia esplika.
Nia haktuir, EJS no Ekipa PNDS Postu Baguia la konsege fó solusaun ba prosesu pagamentu refere tanba ne'e fornesedor halo aprosimasaun hahú husi Suco liu husi EJS, Postu, Kordenador PNDS Municipio, Diretora PNDS, to'o Diretor Teknik Nasional hasoru dala rua, maibé la iha solusaun serteza ba fornesedor.
Ho nune'e, fornesedor hahú halo karta bazeia ba kazu refere no diriji ba iha Administrador Postu Administrativu Baguia, Antonio dos Ramos, ho nia ba Xefe Suku, Xefe Aldeia, Ekipa Jestaun Suco, Postu no Komandante Eskuadra Polisia Baguia maibé nafatin la iha solusaun no mediasaun tuir mata dalan haruka.
"Depois Fornesedor simu via telephone husi Administrador Postu katak informa direita ba Prezidende Autoriedade Munisipiu Baucau, tanba ne'e fornesedor halo karta reklamasaun diriji ba PAM Baucau, ba Diretora PNDS Municipiu no Komandante PNTL Municipio Baucau.
Hafoin, PAM Baucau fó despaxo ba Diretora Municipio Baucau iha loron 11 fulan outubro tinan 2022 deside hodi halo mediasaun dahuluk ne'ebé diriji husi Diretora PNDS Munisipiu Baucau ho nia ekipa.
Nunue'e mós, fornesedor ne'ebé fornese Material hanesan arus odamatan ba UNP senti ofendidu tanba Diretora PNDS munisipiu Baukau la konsidera sira hodi fó fali oprtunidade ba Kompaña seluk hodi sai falu fornesedor segundu hodi fornese fali odamatan no janela tahan.
Iha mediasaun refere konsentrasaun husi EJS, PNDS Postu, Chefe Suco no Chefe Aldeia maibé iha mediasaun refere fornesedor husu ba Diretora Municipio Baucau katak se mak foti desizaun hodi fo odamatan no janela tahan ba fornesedor segundu, entaun iha momentu ne'e Diretora hatan ho lian makas katak diretora mak hodi poder diretora fo ba fornesedor segundu.
"Tanba ne'e, hanesan forsenedor primeiro senti ofendidu tamba Diretora uza poder ne'ebe asumi hodi la konsidera forsenesedor primeiru ne'ebe oferese ona arus odamatan no Janela ne'ebe entrega iha loron 18 fulan Novembro tinan 2021 seidauk halo Pagamentu maibe uza poder Diretora PNDS Municipiu hodi fo fali ba fornesedor Segundo la iha konsiderasaun ba fornesedor Primeiru," katak nia.
Na'in Ba Kompaña hatete, iha momentu ne'ebá fornesedor sira fó opsaun rua ba Diretora Munispiu Baukau katak, fó fila material ne'ebé sira distribui ona no kompaña husu tan osan fulan husi $2.130 ne'ebé seidauk halo pagamentu no laturi matan dalan PNDS nian tanba fornesedor sai ona vítima.
Enkuantu, kazu refere fornesedor hato'o ona ba Providoria Direitus Humanus no Justisa (PDHJ) bazeia ba la halo pagamentu no PDHJ halo ona karta notifikasaun dalarua no kazu refere iha hela prosesu investigasaun nia laran.
Tanba ne'e fornesedor eziji ba parte relevante atu aselera kazu refere ho serio atu nune'e kompana labele sai tan vitima ba programa PNDS nian iha futuru.
