Governante ne’e haktuir, ligadu ho oknum ne’ebé uza arma estadu hodi hatauk povu ka joven sira iha Delta 4, dadau ne’e PSIK halo ona averiguasaun, no prosesu kontinua la’o ona iha terenu.
“Sira sei halo hela averiguasaun ha’u hanoin ita boot sira (Jornalista) akompaña nafatin, ita oreinta bá PSIK hodi hala’o servisu averiguasaun”, Ministru Sergio Hornai hateten bá jornalista sira hafoin serimonia atribuisaun ekipamentu iha Salaun Ministériu Justisa Kolmera, Sesta (14/2).
Nia hatutan, halo averiguasaun hodi hatene hahalok sé maka hanesan ne’e nia prosesu ne’e fó sansaun tuir prosesu indisiplinár, maibé hein uitoan ne’e iha sei iha faze averiguasaun, sidauk hetan ninia rejultadu.
Antes ne’e, Portvoz Polisia Sientifika Investigasaun Kriminal Investigador Senior Mario Taves hateten, prosesu bá oknum PSIK ne’ebé uza arma tiru joven iha Delta 4 sabádu (8/2) foin lalais nee sei la’o hela.
“Hau foin konfirma katak agora sei iha faze rekola informasaun hela. Membru ne’e iha domingu nee desarma tiha ona.Nia agora la lori arma”, nia informa.
fali katak oknum Polisia Sientifika Investigasaun Kriminal (PSIK sigla Portuges) ho inisial
Atu fó hanoin fila-fali katak FMG suspeita bá kazu uza arma tiru sidadaun nain tolu, iha area Delta 4 aldeia Ameti-Laran Suku Comoro, Postu Administrativu Dom Aleixo Munisipiu Dili iha sabádu (8/2) foin lalais ne’e.
Tuir kronolojia katak kazu ne’e akontese iha sabádu (8/2) tuku 01:30 madrugada iha oknum PSIK ho inisial FGM uza arma tiru dala rua bá joven nain tolu mak hanesan Salvador Leitão Belo Ximenes (17), Aderito Placido Moreira (17) no Abilio Alberto Soares Carlos (17), báinhira sira nain tolu faan hela iha area Delta 4 derepente oknum PSIK ho inisial FMG uza pistola hakbesik bá iha sidadaun nain tolu ne’e dehan mangame tiru tiha imi.
Ho aktu ne’e mak sidadaun nain tolu ne’e hakfodak no halai fahe malu nune’e FMG ne’e tiru dala rua bá leet no joven nain tolu bá subár tiha komunidade nia uma iha gan 1 no 3 iha area Delta4 nian.
Haree bá hahalok oknum PSIK nian nee joven nain tolu nee trauma no presta kedan keixa bá Departamentu Investigasaun Kriminal (DIK) Nasional Komandu Jeral PNTL.
Hafoin sidadaun nain tolu ne’e presta tiha deklarasaun iha DIK nune’e Departamentu Investigasaun Kriminal Nasional rejista kedan kazu nee ho númeru NUC 0047/25/PNSIC no kazu ne’e submete kedan bá Minisriu Publiku.
