MJ Amândio hakotu nia peregrinasun iha Mundu

Jullu 27, 2024

Nasional

MJ Amândio hakotu nia peregrinasun iha Mundu ^Featured

By Ekipa INDEPENDENTE Janeiru 20, 2024 1294

Mate isin Saudozu Ministru Justisa (MJ) Amândio de Sá Benevides iha hela HNGV. Foto:Media Sosial.

DILI: Ministru Justisa (MJ) Amândio de Sá Benevides, derepente ataka fuan hafoin simu Primeiru Ministru Kay-Rala Xanana Gusmão iha Aeroportu Internasionál Nicolau Lobato Comoro Dili, nune'e, membru governu kontaktu kedas ambulansia hodi evakua ba Hospital Nasionál Guidu Valadares (HNGV) maibé seidauk to'o, matebian hakotu iis ida dalan klaran.

Enkuantu, iha loron horseik (19/01) Ministru Justisa hetan konvite husi Sekretáriu Estadu Komunikasaun Sosiál hodi prense programa meet the press iha Palásiu Governu maibé ohin derepente atake fuan iha Aeroportu Internasional Nicolau Lobato Comoro Dili.

Bainhira mate isin sei iha HNGV, Primeiru Ministru Xanana Gusmao hamutuk ho membru Governu mós to'o kedas iha fatin.

Liu de'it minutu balun familia matebian deside lori matebian fila ba nia rezidensia hodi halo tuir kostume sira nian.

Enkuantu, Ministru Justisa Amandiu hakotu iis iha tuku 13 : 55 Otl.
Dadaun ne'e matebian nia isin mate lori ona ba nia residensia iha Kampung Baru, Komoro, Dili.
Matebian Moris iha loron 16 fulan-Jullu tinan 1964, no dadaun ne'e husik hela fen kaben no oan nain haat.

Rate this item

(0 votes)