Hafoin akontesimentu ne’e, Komandante Komponente Naval F-FDTL, Komodoro Higino das Neves ne’ebé hamutuk ho ekipa médiku sira ne’ebé lidera husi Diretór Rejional Saúde Oecuse Manuel da Cunha, no mós ekipa Polisia Nasional Timor-Leste RAEOA to’o kedas iha fatin akontesimentu ho halo investigasaun.
Komodoro Higino das Neves hatete, akontesimentu ne’e derepente de’it, tanba foin lalais membru refere mós hetan autorizasaun husi komando hodi ba vizita ninia familia.
“Akontesimentu ne’e mosu derepente, foin dadauk ne’e, nia iha asuntu familia, nia oan moras, tanba ne’e Komandante autoriza nia ba vizita ninia oan iha semana rua ba kotuk no foin mak fila fali mai. Agora sira iha ne’e problema kala’e?, ha’u seidauk hatene, tanba orsida ha’u ko’alia mak la tuir buat ne’ebé akontese, nune’e iha prosesu investigasaun mak bele hatene klaru,”dehan Komodoro Higino, ne’ebé Online INDEPENDENTE sita iha orgaun komunikasaun balun.
Enkuantu, tuir informasaun ne’ebé Online INDEPENDENTE ne’e asesu husi fonte ofisiál balun katak, kazu ne'e akontese iha tuku 09:30, dader otl, no hetan kedas asisténsia médiku husi Ospitál Referál Oekusi, maibé la konsege salva vida.
Nune'e, parte Komandu Polisia Nasional Timor-Leste Oecuse liu husi sesaun investigasaun kontinua halo segurasa iha lokál krime no kontinua monta polisia liña.
