Iha abertura Konferénsia Nasionál AMP nian Naimori hateten, membru governu no deputadu balun nian oin nia ko'alia katak la fiar Xanana ho Taur. Deklarasaun ne’e hetan responde husi membru baluk katak sira mós la fiar maibé tanba partidu sira servisu maibé la leál ba lider na'in rua ne’e.

Lider KHUNTO ne’e afirma, membru hanesan ne’e mak presiza atu akompaña beibeik ninia lala'ok. Tanba hakarak envolve-aan iha partidu maibé la leál ba ninia lider.

“Ha’u mak sira-nia liman-ain ha’u sei laiha oin, maibé ha’u iha kotuk atu tau matan hodi tulun sira na’in rua”, tenik nia, iha Hotel Golgota, Sábadu (15/6).

Nia dehan, nu’udar partidu ne’ebé hamosu bloku AMP tenke asegura malu iha ninian uma laran, atu ema seluk labele hatene problema saida maka mosu.

Tanba ne’e, kuandu rona fali membru ka deputadu baluk ko'alia la leál ba lidera partidu rua ne’ebé fo ona oportunidade atu ema sira ne’e hetan fatin iha governu, ne’e tristi tebes.

Nu’udar lider másimu lakohi Governu sa'e karreta hamutuk tun selu ida-idak nian. Di'ak liu, hamutuk atu tinan haat mai ne’e bele halo netik buat ida para governu bele metin ba nafatin.