Tuir Ministru Edukasaun juventudi no Desportu, Armindo Maia hatete, kriteriu ba rekrutamentu profesores sira ne’ebé konklui, sei fó prioridade liu ba sira ne’ebé hanorin kleur ona ou senorioridade.

“Ita komesa ona elabora kriteriu ba rekrutamentu profesores sira, tanba profesores voluntariu barak tebes, entaun iha semana ida ne’e ita sei halo reuniaun atu nune’e ita haree iha fulan-Jullu ita bele iha anunsiu criteria hirak ne’e,’dehan nia iha Kampus Sentral UNTL, segunda ohin (14/06).

Nune’e, iha fulan-Agostu espera katak, bele halo ona rekrutamentu ba profesores hirak ne’e.

Entretantu, tuir dadus profesores iha teritoriu laran tomak, ne’ebé Ministeriu Edukasaun Juventudi no Desportu rezista hamutuk 16,618, husi numeru ne’e iha kontratadu na’in rihun 5.000 no voluntariu na’in 1.000.

Enkuantu, profesores sira ne’ebé tama ona ba pensaun hamutuk na’in 169, kompostu husi, Aileu na’in 19, Ainaro 1, Baucau 25, Bobonaro 40, Covalima 14 no Dili na’in 70.

Asistente Editor: Saturnina da Costa