Nune’e, kazu ativu ne’ebé iha izolamentu no auto-izolamentu hamutuk 1,489.
Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé relata ohin, iha Kapital Dili na’in 49, Bobonaro 3, Covalima 1, Aileu 1 no Manufahi na’in 2.
“Total kazu detetadu foun ohin iha proporsaun kazu sintomatiku hamutuk pursentu 17,8,”dehan nia iha komunikadu, segunda ohin.
Enkuantu, komulativu kazu konfirmadu sura husi loron 21 fulan-Marsu tinan 2020 to’o loron 14 fulan-Juñu hamutuk 8,341.
Husi horiseik (13/06) mai ohin (14/06) teste PCR ne'ebé Laboratóriu Nasionál Saúde halo iha Dili hamutuk 453, kompostu husi, Vijilansia sentinel 49, Contact tracing 17, Random Screening 80, Viajen sai husi serka sanitaria Dili 291, Viajen internasional na’in 4 no Follow up husi kuarentena 12.
Nune’e, teste PCR ne’ebé halo iha Munisipiu sira seluk, RAEOA no HNGV hamutuk na’in 401, kompostu husi, Baucau 151, Malian 13, Maubise 108, Viekeke 8, Suai 10, RAEOA 4 no HNGV 107.
Entretantu, iha izolamentu Vera Cruz ohin halo tratamentu ba kazu detetadu hamutuk 26, fahe ba area Obstetria na’in 4 no Medisina interna na’in 22.
Asistente Editor: Saturnina da Costa
