Ministru Agrikultura, Pekuária, Peska no Florestas, Marco da Cruz hatete, atividade sira ne’ebé MAPPF hala’o ne’e, atu dezenvolve holti-kultura.
“Ohin ita halo aktividade ne'ebe maka ligasaun ho dezemvolvimentu Holti-kultura no Holti-kultura ne'e liga ba ai-fuan, ohin hanesan sembolika mente ita kuda hela ai-oan liu tiha maka ita-nia agrikultór ou to'os nain sira, sei kuda ai-oan rambutan,” Dehan Ministru Marcos liu husi Komunikadu Imprensa ne’ebé Jornal INDEPENDENTE asesu, iha Pájina MAPPF, segunda (29/4).
Ministru Marcos dehan, Governu atu dudu produssun ne'e bazeia ba área potensialidade,katak fehuk ropa, buka nafatin atu apoiu ba postu sira ne'e, nune'e aumenta produsaun iha postu inklui mos Baguia.
“Ne'ebé ko’alia kona-ba ai-han ne'e, ai-fuan ho modo mos impotante, ne'ebé hau husu ba Autoridade sira husi Xefe Aldea, Xefe Suku, Administradór no mos ba povu tomak, ita tenki servisau hamutuk ho Ministériu agrikultura ho nia funsionáriu sira hanesan Guarda floresta, Extensionista husi postu no mos muniíspiu, para tenki kuidadu ba buat sira-ne'ebé maka ita kuda ona, no mos tenki kuidadu ita nia ambiente hanesan ai-laran, no mos tenki kudadu ita-nia animál fuik sira, labele oho arbiru,” Ministru Marcos Informa.
Nia esklarese, Ohin funsionáriu sira lori fini fehuk ropa hamutuk tonelada 2 hodi fahe ba agrikultór sira iha Suku Afloikai hodi kuda.
“Tanba ita hatene katak ita nia rai Timor ne'e iha postu 4 maka potensial ba Fehuk ropa hanesan Fatuberliku,Atsabe,Letefoho no Baguia,” Minstru Informa.
Iha Fatin hanesan, Xefe Suku Alawa Leten, Zeferino Joaquim Ximenes, apresia prezensa Ministru Agrikultura, Pekuária, Peska no Florestas (MAPPF), Marco da Cruz iha Suku Alawa.
“Ami apresia ba Ministru agrikultura bele marka nia prejensa iha fatin ida ne'e, husi ida-ne'e ita bele nota katak Diresaun Ministeriu Agrikultura nia bele koopera diak ho Autoridade hodi bele dezenvolve liu-liu iha vida agrikultura ni’an, Hau hanesan beground agrikultura, hau nafatin motiva komunidade sira-ne'ebe maka iha interese atu dezemvolve, liu-liu iha vida agrikultura ni’an, Hau nia rekomendasaun ba Ministériu agrikultura liu-liu ba Diresaun plantas Holti-kultura nian, halo oinsa para bele hakbesik aan ba komunidade agrikultór sira, tanba ita akompaña husi média sosiál ne'e, kuaze munisípiu seluk ne'e sira dezenvolve ba vida agrikultura ne'e maka'as liu,” Nia informa.
Purtantu, Ministériu Agrikultura, Pekuária, Peska no Florestas distribui Ai-oan 1000 resin, Has Graftin hun hamutuk 300 (1,4 ha), Rambutan hun hamutuk 1100 (2,7 ha), Durian hun hamutuk 650 (2,3 ha) ho totál 6,4 hektare.
Enkuantu Akompaña Ministru Agrikultura, Pekuária, Peska no Florestas (MAPPF), Marco da Cruz, iha sermonia kuda Ai-oan ne’e mak Diretór Nasional Agrikultura Munisipal, Diretór Nasional Agrikultura no Holti-kultura, Administrador Postu Baguia, Komandante Polísia eskuadra Postu Baguia, Xefe Suku, Xefe Aldea, Guarda Florestas, Extensionista no Agrikultor (Natar-na’in).
