Diretór Nasional Agrikultura no Hortikultura, Lucio Romeo Ribeiro hatete, governu hakarak hasa'e produsaun iha rai laran, entaun MAPPF tau prioriedade liu ba munisipiu 7 no inklui RAEOA, tanbá hare'e area ne'ebé pontesial ba natar.
“Agora ha'u tenke fukus ba área natar sira iha munisipiu ne'ebé bo'ot no natar ektares 1000 ba leten, tanbá natar sira iha munisipiu Aileu pontesial kiik no inklui munisipiu sira seluk,” Dehan nia ba Jornalista INDEPENDENTE, iha knaar fatin Komoro, Tersa (02/07).
Nia informa, munisipiu 7 ne'ebé pontesial ba natar mak hanesan Vikeke, Baukau, Manatuto, Manufahi, Bobonaro , Kovalima inklui RAEOA ne’ebé MAPPF bele klasifika hodi hasa'e produsaun iha rai laran.
Maibé hanesan Munisipiu Aileu, Likisa, Ermera, no sira seluk tan iha natar potensial, maibé ladun luan, entaun Governu planu fó prioridade ba munisípiu sira ne’ebé natar potensial barak.
Nia haktuir, kada tinan fokus ba natar sira-ne'ebé governu halo investimentu maibé depende ba natar na’in sira mak servisu no MAPPF fo asistensia hanesan ekipamentus, fini, Konbustivel, ai-moruk, adubu no sira seluk tan.
Iha tinan kotuk, MAPPF liu husi Diresaun Nasional Agrikultura no Hortikultura informa katak produs hare kulit hamutuk 91 mill toneladas no hare ida-ne'ebe dulas moos 45 toneladas.
