Enkuantu, Komunidade iha suku Atuaben no Malilait hamutuk 74 mak sai benifisiariu UNP plus B hodi simu kalen Zinko.

Ministru MAE hatete, antes madantu remata, oitavu Governu halo ona Uma Naroman ba Povu (UNP) iha Suku rua ne'e hamutuk 42 no distribui mos kalen zinko ba benifisiariu sira hamutuk 74.

"Iha 2021 governu halo UNP tolu (3), iha 2022 UNP Sia (9) no iha tinan ida antes mandatu remata ami husik hela tan uma sia (9) ba imi no troka tan kalen sira ne'ebé fruzu," dehan Ministru iha Malilait, Segunda (17/08).

Ministru haktuir, lori Oitavu Governu ne'ebé lidera husi Primeiru Ministru Taur Matan Ruak nia naran mai to'o iha imi nia leet, hodi entrega hela zinko ba benifisiariu sira.

"Hau entrega sasan sira ne'e laos atu muda kedas imi nia moris, maibé ida ne'e hanesan hahú ida hodi bele tau matan ba imi nia an, ba oan no bei oan sira hodi bele kontinua imi nia moris, governu sei halo programa sira seluk hodi bele tau matan ba imi nia moris," haktuir governante ne'e.

Iha fati  hanesan, Xefi Suku Atuaben Januario Fernandes hatete, Programa ne'e  sira senti hanesan buat foun ida, tanba komesa husi governu uluk la halo, maibé iha governu ida bele konsege hatan preukupasaun komunidade nia ne'ebé hato'o liu husi Autoriedade sira.

"Governu uluk la halo maibé ho sua exelensia nia hanoin ho esforsu ohin loron preokupasaun ne'ebé komunidade hato'o liu husi Autoriedade, maske la atinji 100% maibé ami fiar katak ba oin sira ne'ebé hein hela bele hanesan mos sira hotu," tenik Xefi Suku.

Xefi Suku esplika, Durante Governu ne'e nia ukun iha Suku, Atuaben senti duni dezemvolvimentu maske neneik mabé sira husi atu bebeik hodi bele atinji objetivu komunidade nian.

"Atu rekomenda nafatin ba Sua Exlensia katak, ministru nia hanoin ne'ebé durante esforsu iha uma fukun ne'eba kontinua nafatin, atu nune'e  buat sira ne'ebé durante ami hein ohin balun ami hetan ona, ami fiar katak mai oin ami sei hetan lou tan, ho nune'e  komunidade sira iha suku refere labele husik balun iha kotuk, tenki hetan hotu no halo balansu ba sira hotu," nia esplika.

Iha biban ne'e mos, benifisiariu husi Suku Malilait Florinda Moniz hato'o agradese ba governu tanba durante sira bele hetan ona apoiu husi governu hodi ajuda sira.

"Ha'u senti kontenti tebes tanba durante funu ita halai ba ai-laran hodi husik hela familia no inan aman tan deit rai ida ne'e, maibe ohin loron buat hotu ita hetan Kalen, uma, osan no hahan, governu bele fahe ona mai ami, ami simu ho kontenti," hakotu Benifisiariu.