Aleinde, MAE mós halo lansamentu ba konstrusaun Uma Naroman ba Povu plus A hamutuk 10 iha suku refere.
Ministru hatutan, Uma Naroman ba Povu (UNP) regular ba faze dahuluk nian iha suku refere komunidade uma-kain tolu (3) mak sai benifisiariu, no faze daruak UNP plus A hamutuk 10.
Nia dehan, haré ba populasaun barak ne’ebé sira nia hela iha fatin la dignu, tanba ne'e programa Oitavu governu kria fali fatin ne'ebé dingu ba sira.
"Ba benifisiariu atu hamutuk ho familia sira hela iha UNP tenki buka servisu rasik hodi kompleta nesesidade uma laran nian, tanba UNP ida ne'e, atu satan de'it imi husi udan, loron no anin,”dehan nia iha Suku Hatolia, kinta (02/03).
Governante ne’e haktuir, husi programa ne’e, hanesan inisiu ida ne'ebé governu hakarak lori naroman ba povu.
Nune’e, Ministru lori Primeiro Ministru Taur Matan Ruak nia naran hato'o parabens ba benifisiariu sira.
Ho nune’e, husu ba populasaun sira seluk ne'ebé seidauk hetan UNP atu labele laran taridu, tanba iha tempu tuir mai sira seluk mós bele hetan.
Iha fatin hanesan, Xefi suku Hatolia Manuel Soares hatete, hanesan autoriedade senti orgullo ba programa Oitavu Governu liu husi MAE ne'ebé lori direita ba povu.
"Ami orgullo tebes ho progama Oitavu Governu nian, tanba bele lori benifisiu diteita ba povu, benifisiariu sira ne'ebè asesu ona ba UNP espera katak ba futuru bele kria kondisaun ne'ebé di'ak liu tan," katak nia.
