Ministru bá Asuntus Kombatentes bá Libertasaun Nasionál, Gil da Costa Monteiro “Oan-Soru” hatete, reklamasaun sira ne’e iha rihun-hitu, atus-ida lima (7.105) mak Reklamante sira reklama individualmente no 895 mak reklama koletivamente ka halo reklamasaun liu husi grupu.
Dadus hirak ne’e, mai husi Konselho Munisipal Kombatentes Libertasaun Nasional Munisipiu Aileu hamutuk 20, Ainaro 1.028, Baucau 1.500, Bobonaro 512, Dili 700, Lautem 961, Likísa 174, Manatuto 585, Manufahi 735, Oecusse 146, Vikeke 244, enkuantu Covalima no Ermera mak seidauk.
“Bom, reklamasaun ne’ebé mak ami simu, reklamasaun, kontestasaun, hamutuk rihun-ualu, horseik. Agora, entre rihun ualu-resin ne’e, ami sei prepara hodi insert (hatama) bá baze de dadus mak ami foin haree, totál hira mak reklama para atu hapara, no totál hira mak reklama para atu hasai. Ida ne’e de’it,” dehan Ministru “Oan-Soru” iha komunikadu ne’ebé Online INDEPENDENTE sita, Kuarta ne’e (19/02/2025).
Governante ne’e salienta katak, dadus reklamasaun ka kontestasaun hamutuk rihun-ualu ne’e, ekipa sira sei halo análiza, molok hola desizaun ne’ebé definitiva, tanba dadus hirak ne’e sei prelemináriu (provizóriu), no sei hela prazu loron 30 tán, tuir lei.
