Prezidente Repúblika, Francisco Guterres ‘Lú-Olo’, fiar katak sidadaun sira iha kapasidade makaas atu kontribui ba dezenvolvimentu nasaun doben ida ne'ebá futuru.
“Ha'u fiar katak ita nia sidadaun iha kapasidade atu dezenvolve rai ida ne'ebé futuru,” dehan nia, iha diskursu inaugurasaun Aeroportu Internasionál Comandante Em Chefe das FALINTIL Kay Rala Xanana Gusmão, iha Suai-Kovalima, horisehik.
Tuir nia, tinan lima oin mai bele dezenvolvimentu aeroportu ne'ebé inaugura ne’e loron ruma sei di'ak liután.
“Ha'u fiar metin katak tinan lima oin mai bele dezenvolvimentu di'ak liu tan ita nia aeroportu,” tenik nia.
Tanba primeira-vés projetu boot ida hanesan ne’e halo inaugurasaun hamutuk ho populasaun sira iha Munisípiu Kovalima.
Tuir nia, investimentu boot iha área kosta súl tanba ne’e timoroan tenke hatudu ninia kapasidade rekursu umanu no matéria hodi bele dezenvolve di’ak liután fatin ne’e.
