“Husi númeru kazu mate, mai husi Kapital Dili,”dehan komunikadu neebé Online INDEPENDENTE asesu, kinta horseik (03/02).
Ho nunee, total kazu dengue neebé Ministeriu Saúde rejista hahú iha 1 janeiru too 3 fevereiru 2022 hamutuk 1.492. husi némeru nee maioria husi Kapital Dili ho kazu 975.
Aliende iha Dili, Kazu dengue mós mosu iha Munisipiu sira seluk hanesan, Ermera ho kazu 77, Manatutu ho kazu 104, Baukau ho kazu 69, Manufahi ho kazu 64, Kovalima ho kazu 51, Bobonaru ho Kazu 26, Líkisa ho kazu 32, Aileu ho kazu 24 , Ainaro 18, Vikeke 25, RAEOA ho kazu tolu (3) no Lautem ho kazu 24.
Enkuantu, hare husi kazu ne'e, Dili kontinua aumenta ho númeru neebé aas no munisipiu 12, inklui RAEOA mak dadaun nee rejista ona kazu dengue.
Nunee, husi númeru total kazu mate 25, na’in 15 iha Dili, na’in haat (4) iha Ermera, na’in rua (2) iha Kovalima no Ainaro na’in ida, Bobonaro na’in ida no mós Vikeke iha na’in ida (1).
Entretantu, husi númeru kazu neebé aumenta, Ministra Saúde husu nafatin ba populasaun sira atu aprezenta aan iha fasilidade saúde neebé besik, bainhira sente isin manas ka laran sae, liman ain sikun moras, atu bele hetan atendementu husi mediku sira.
Aleinde, Governu mós halo hela prevensaun ba moras dengue liu husi asaun sira hanesan, limpeza jeral ho halo fumigasaun ba fatin sira neebé identifika sai fatin risku ba dengue.
Asistente Editor: Saturnina da Costa
