“Iha fulan Setembru semana ida ne’e suspeitu 10 mak ita detein, no medida sira ne’ebé mak foti ne’e serbisu kordenasaun ho ministériu públika,” dehan Euclides ba jornalista sira iha knaar fatin, Segunda (28/09).
Husi na’in 10 ne’e, nia dehan, PNTL Dili liberta na’in 3 no na’in 7 aprezenta ba Ministeriu Públiku hodi prosesa iha tribunal.
Husi na’in 7, Euclides hatutan, tribunal liberta na’in 4, no na’in 2 seluk aplika medida koasaun hodi selu multa $105.
Ho númeru ne’ebé sei boot ne’e, nia dehan, Komando PNTL Dili buka hela meius atu bele halo prevensaun, liu husi ativa hotu seksaun sira hodi halo patroliamentu lao ain, patroliamentu ho motor no karreta.
“Knar ne’ebé mak atribui ba PNTL ne’e ami utiliza hotu, ho meius komunikasaun ne’ebé ami utiliza ne’e par bele halo komunikasaun, tanbá ne’e mak komandu PNTL munisípiu Dili halo patrolamentu rutina, kalan no loron,” dehan nia.
Iha patrulamentu ne’e, nia dehan, bainhira identifika joven sira hemu alku iha dalan ibun no fatin públiku sira ne’ebé laos fatin konsumu tua, ekipa sei foti medida.
