Ho nunee, Longuinhos Armando Leite mantein hanesan Presidente Konsellu Administrasaun hodi lidera Institutu Nasional Seguransa Sosial (INSS) ba tinan tolu tan.
"Ohin (19/01) Konsellu Ministru aprova projetu Rezolusaun Governu nian, kona-ba renovasaun mandatu Konsellu Administrasaun husi INSS nian, ho ida ne'e mandatu ne'e sei estende tan ba iha tinan tolu, Nune'e Longuinos Armando Leite, Mantein hanesan Presidente Konsellu administrasaun INSS nian", dehan Ministru Presidensial Konsellu Ministru Fidelis Leite, iha Palasiu Governu Kuarta (19/01).
Enkuantu, Azevedo Marçal no Cornélio Barros kontinua iha kargu vogál Konsellu Administrasaun nian no Nune'e Alberto Carvalho de Araújo no Ramalho da Costa mantein hanesan reprezentante empregadór no traballadór nian.
Entretantu, Longuinhos Armando hahú lidera INSS iha tinan 2018 no remata iha 2021, maibé iha tinan 2022 kontinua estende too 2025.
Asistente Editor: Saturnina da Costa
