Enkuantu, labarik sira iha direitu masimu atu ba eskola, estuda no mós halimar.
"Hau rekomenda ba inan-aman sira atu asegura oan sira ba eskola no estuda, laos ba faan fali sasan iha estrada ninin no merkadu,”dehan nia ba Online INDEPENDENTE, foin lalais.
Tanba nee, Prezidente Autoridade Munisipiu Dili dehan, sira sei halo kordenasaun ho Komisaun Nasional Direitu Labarik no mós Provedoria Direitus Humanus atu haree oinsa asegura labarik sira nee.
“Ha'u nudar Prezidente Autoridade Munisipiu, labele hare'e tan labarik sira faan sasan, agora ne'e tempu labarik sira atu ba eskola, estuda no halimar, laos faan sasan,”tenik nia.
Ba familia kbiit laek sira, Prezidente Autoridade Munisipiu Dili, husu atu hakbesik-an ba Autoridade Lokal sira atu bele alista naran, nunee fulan-fulan bele simu sesta bázika ou nesesidade bázika ruma.
Entretantu, tuir dadus husi Komisaun Nasional Direitu Labarik iha tinan 2020, iha labarik 200 resin neebé ajuda inan-aman faan sasan iha dalan ninin, hodi sustenta nesesidade uma laran.
Asistente Editor: Saturnina da Costa
